उपसभापती डॉ. नीलम गो-हे यांचे “मुंबई ग्रंथोत्सव २०२४” मध्ये आवाहन..
मुंबई दिनांक-५ फेब्रुवारी…
मराठी साहित्य अजरामर करणारे वरदान आहे.मुलामुलींचे उमेद,धाडस वाढविण्यासाठी चांगली पुस्तके वाचायला द्या,वाचन संस्कृती वाढवा असे आवाहन विधान परिषद उपसभापती डॉ. नीलम गो-हे यांनी केले आहे. उच्च व तंत्रशिक्षण विभाग ग्रंथालय संचालनालय महाराष्ट्र राज्य जिल्हा ग्रंथालय अधिकारी कार्यालय मुंबई शहर आणि मुंबई मराठी ग्रंथालय,दादर यांच्या वतीने मुंबई ग्रंथोत्सव २०२४ चे आयोजन करण्यात आले आहे.५ आणि ६ फेब्रुवारी अश्या दोन दिवस सुरू राहणाऱ्या ग्रंथोत्सवाचे उद्घाटन मराठी भाषा मंत्री उदय सामंत,विधान परिषद उपसभापती डॉ. नीलम गो-हे यांच्या हस्ते करण्यात आले.
मुंबई मराठी ग्रंथालय,दादर यांनी ग्रंथालयीन अभ्यासिका सुरू केली,जतन केली याबद्दल आभार व कौतुक करते.महाराष्ट्रात मोठ्या प्रमाणात नवीन लेखक लिखाण करत आहेत अनेक अनुभव लिहले जात आहेत याचा समाजाला नक्की फायदा होणार आहे.राज्य सरकार बालक व महिला साहित्य संमेलन घेणार आहेत यामुळे वाचन संस्कृती जोपासण्यास मदत होईल अश्या डॉ.नीलम गो-हे म्हणाल्यात.
कुटुंबामध्ये लोकशाही नाही अशी मी मानते, लोकशाही असती तर ऑनर किलींगसारख्या घटना घडल्या नसत्या.समाजात वर्ण,रंग,लिंगभेद दुजाभाव वाढत चालल्याची खंत नीलम गो-हे यांनी यावेळी व्यक्त केली.सध्याच्या सोशल मीडियाच्या जमाना आहे काही वेबसाईटमुळे बुद्धीगहाण टाकण्यापर्यंत,आत्महत्त्येपर्यंत लोकांची मानसिकता तयार होत आहे.अश्यात सोशल मीडिया कायद्याच्या चौकटीत असायला हवे असे उपसभापती डॉ. नीलम गो-हे म्हणाल्या.
मुंबई मराठी ग्रंथालय,दादर प्रामाणिकपणे ग्रंथालय,वाचनालय चालवत आहेत.पुस्तक आदानप्रदान झाल्याने ३५ हजार पुस्तके ग्रंथालयात आली तीच पुन्हा घरोघरी गेली हा चांगला उपक्रम आहे.पुस्तक वाचन संस्कृती वाढविण्यासाठी महाराष्ट्र सरकार बाळ साहित्य संमेलन,युवा साहित्य संमेलन आणि महिला साहित्य संमेलन सुरू करणार असल्याचे मराठी भाषा मंत्री उदय सामंत यावेळी म्हणाले.मराठी भाषेविरोधातील दादागिरी मोडीत काढण्यासाठी सरकारने तयारी केल्याचेही मंत्री उदय सामंत म्हणाले.
“मुंबई ग्रंथोत्सव २०२४”च्या कार्यक्रमासाठी मराठी भाषा मंत्री उदय सामंत,विधानपरिषद उपसभापती डॉ.नीलम गो-हे, सुप्रसिद्ध लेखक व ज्येष्ठ पत्रकार श्रीकांत बोजेवार, ग्रंथालय संग्रहालय महाराष्ट्र राज्य प्रभारी अशोक गाडेकर, प्रमुख कार्यवाहक रवींद्र गावडे, किरण ढंढोरे, ज्येष्ठ पत्रकार शीतल करदेकर उपस्थित होत्या.यावेळी ग्रंथ दिंडीत सहभाग घेणाऱ्या विद्यार्थी व शिक्षकांचा सत्कार करण्यात आला.
