पुणे-पुण्यातील ज्येष्ठ मुक्त छायाचित्रकार पत्रकार राम झोंड यांचे आज (ता. ३ फेब्रु ) सकाळी सुमारे ६ वा हृदयविकाराच्या झटक्याने निधन झाले. ते ६७ वर्षांचे होते. त्यांच्या पश्चात त्यांना पत्नी, दोन मुली आणि एक मुलगा आहे. गेल्या तीन दशकांपासून ते पत्रकार क्षेत्रात मुक्त छायाचित्रकार पत्रकार म्हणून कार्यरत होते. हसतमुख व्यक्तिमत्वाच्या राम झोंड यांनी महाराष्ट्र राज्य मराठी पत्रकार संघ, सलाम पुणे अशा माध्यम तसेच कला क्षेत्रातील संस्थांसाठी त्यांनी विशेष योगदान दिले होते.
त्यांच्या आकस्मित जाण्यामुळे पत्रकार क्षेत्रात हळहळ व्यक्त केली जात आहे. त्यांच्यावर आज सायंकाळी सहा वाजता पुण्यातील वैकुंठ स्मशानभूमी या ठिकाणी अंत्यसंस्कार करण्यात आले. यावेळी पुण्यातील आजी-माजी पत्रकार आणि कला ,व समाजातील विविध क्षेत्रातील मान्यवरांनी त्यांना श्रद्धांजली वाहिली.
