पुणे: मराठी भाषा आणि स्त्री साहित्य या महत्त्वपूर्ण विषयावर विधानपरिषद उपसभापती डॉ. नीलम गोऱ्हे उद्या विश्व मराठी संमेलनात परिसंवाद साधणार आहेत. या कार्यक्रमात विविध क्षेत्रांतील मान्यवर उपस्थित राहणार आहेत.
कार्यक्रमास श्रीमती मनीषा पाटणकर-म्हैसकर (अमुस, मराठी भाषा) आणि श्रीमती अश्विनी भिडे (मुख्य सचिव, मुख्यमंत्री कार्यालय) यांची प्रमुख उपस्थिती लाभणार आहे.
याशिवाय, प्रसिद्ध बालरंगभूमी लेखिका श्रीमती प्रतिभा मतकरी, ज्येष्ठ अभिनेत्री श्रीमती फैयाज शेख, तसेच नामवंत लेखिका डॉ. सिसिलिया कार्व्हालो हेदेखील या चर्चासत्रात सहभागी होणार आहेत.
या कार्यक्रमाचे निवेदन उत्तरा मोने करणार असून, मराठी भाषा, साहित्य आणि स्त्रियांचे योगदान या विषयांवर विविध पैलूंवर चर्चा होणार आहे. मराठी साहित्य आणि भाषेच्या संवर्धनासाठी आयोजित या कार्यक्रमाकडे साहित्यप्रेमींचे विशेष लक्ष लागले आहे.
