पुणे : पुणे बार असोशिएशनच्या पार पडलेल्या वार्षिक निवडणुकीमध्ये ॲड. हेमंत झंजाड यांचा विजय झाला. उपाध्यक्षपदी ॲड. समीर भुंडे, ॲड. सुरेखा भोसले यांची निवड झाली. तर, सचिवपदी ॲड. पृथ्वीराज थोरात, ॲड. भाग्यश्री गुजर हे विजयी झाले. खजिनदारपदी ॲड. इंद्रजित भोईटे यांची निवड झाली.बार असोशिएशनची वार्षिक निवडणूक जाहीर करण्यात आली होती. त्याकरिता शुक्रवारी मतदान पार पडले. मतदान प्रक्रिया पार पडल्यानंतर रात्री मतमोजणी पूर्ण झाली. मतमोजणीअंती ॲड. हेमंत झंजाड यांना ३३२९ मते मिळाली. तर, त्यांचे प्रतिस्पर्धी ॲड. प्र. नलावडे यांना १७१४ मते मिळाली. ॲड. हेमंत झंजाड यांनी १६१५ मतांनी विजय मिळविला.
उपाध्यक्षपदासाठी चार जण रिंगणात होते. त्यात ॲड. समीर भुंडे (३३३३), ॲड. सुरेखा भोसले (१९१९) मते मिळवून विजयी झाले. त्यांचे प्रतिस्पर्धी ॲड. सागर गायकवाड (१६४८), ॲड. वनमाला अनुसे (१४२८) मते मिळाली. सचिवपदासाठी एकूण पाच उमेदवार रिंगणात होते. ॲड. पृथ्वीराज थोरात (३१७४) आणि अॅड. भाग्यश्री गुजर (३१५६) मते मिळवून विजयी झाले. ॲड. महेंद्र दलालकर(७८६), ॲड. गणेश थरकुडे (६५४), ॲड. सुषमा यादव (८३५) मते मिळाली. खजिनदारपदी ॲड. इंद्रजित भोईटे विजयी झाले. ऑडिटरपदी ॲड. केदार शितोळे यांची बिनविरोध निवड झाली आहे.
बार असोशिएशनची नवीन कार्यकारिणी
अध्यक्ष : ॲड. हेमंत झंजाड
उपाध्यक्ष : ॲड. समीर भुंडे, ॲड. सुरेखा भोसले
सचिव : ॲड. पृथ्वीराज थोरात, ॲड. भाग्यश्री गुजर
खजिनदार : ॲड. इंद्रजित भोईटे
ऑडिटर : ॲड. केदार शितोळे
कार्यकारिणी सदस्य :
ॲड. मावाणी पूनम गणपत
ॲड. निगडे प्रसाद संजय
ॲड. पवार माधवी वसंतराव
ॲड. जोशी स्वप्निल मारुती
ॲड. नेवाळे भारती सुरेश
ॲड. गलांडे आकाश राजेंद्र
ॲड. पवार प्रशांत चंद्रशेखर
ॲड. खैरे राज लक्ष्मण
ॲड. चोंधे श्रीकांत नितीन
ॲड. माने गणेश पोपट
