मुंबई-अजित पवार यांच्याशी केवळ एका प्रकल्पासंदर्भात चर्चा झाली आहे. आमच्यात राष्ट्रवादी काँग्रेस पक्षासंदर्भात कोणतीही चर्चा झाली नसल्याचे शरद पवार यांनी स्पष्ट केले. या माध्यमातून दोन्ही पवार एकत्र येणार असल्याची शक्यता शरद पवार यांनी फेटाळली आहे.स्थानिक स्वराज्य संस्थांच्या निवडणुका या स्वबळावर लढण्याची उद्धव ठाकरे यांची इच्छा आहे. तर या संदर्भात सामंजस्याने प्रश्न सुटावा असे आमच्या नेत्यांचे मत असल्याचे शरद पवार यांनी म्हटले आहे. या माध्यमातून स्थानिक स्वराज्य संस्थांच्या निवडणुका महाविकास आघाडी एकत्र लढणार नसल्याचे संकेत शरद पवार यांनी दिले आहेत.
राष्ट्रवादी काँग्रेस पक्ष एकत्र येणार असल्याची चर्चा गेल्या काही दिवसांपासून सुरू आहे. यात शरद पवार आणि अजित पवार यांची काल बंद दाराआड चर्चा झाल्याने याबाबत तर्क लावले जात होते. मात्र ही शक्यताच शरद पवार यांनी फेटाळून लावली. अजित पवार यांच्यासोबत आमची केवळ एका प्रकल्पावर चर्चा झाली असल्याचे शरद पवार यांनी स्पष्ट केले. आमची राष्ट्रवादी काँग्रेस पक्षाबद्दल कोणतीही चर्चा झाली नसल्याचे त्यांनी सांगितले. अजित पवार आणि मी अनेक संस्थांवर एकत्र काम करत आहोत. त्यामुळे आमच्यात त्या संदर्भात चर्चा झाली असल्याचे देखील ते म्हणाले.
आगामी स्थानिक स्वराज्य संस्थांच्या निवडणुका स्वबळावर लढवण्याचा उद्धव ठाकरे यांचे मत असल्याचे शरद पवार यांनी सांगितले. बाळासाहेब ठाकरे यांच्या जयंतीनिमित्त आयोजित दोन्ही शिवसेनेच्या मेळाव्याबाबतही त्यांनी भाष्य केले. दोन्ही मेळाव्यांची तुलना केली तर उद्धव ठाकरे यांच्या मेळाव्याला जास्त उपस्थिती होती. असे दिसत असल्याचे देखील शरद पवार यांनी म्हटले आहे.
अजित पवार यांच्यासोबत एका प्रकल्प बाबत चर्चा झाली असल्याची माहिती शरद पवार यांनी दिली. आमच्यामध्ये राष्ट्रवादी काँग्रेस पक्षाबाबत कोणतीही चर्चा झाली नसल्याचे त्यांनी स्पष्ट केले. या माध्यमातून दोन्ही पक्ष एकत्र येणार का? या प्रश्नाला त्यांनी फेटाळले आहे. शरद पवार आणि अजित पवार यांची खुर्ची सुरुवातीला आजूबाजूला होती. मात्र अजित पवार यांनी ती बाजूला करायला लावली. यावर देखील शरद पवार यांनी स्पष्टिकरण दिले आहे. नवीन सहकार मंत्र्यांनी माझ्या कानावर काही गोष्टी घालायच्या असल्याची इच्छा व्यक्त केली होती. त्यानुसार अजित पवार यांनी त्यांना माझ्या बाजूला खुर्चीवर बसायला सांगितले, असे देखील शरद पवार यांनी म्हटले आहे. या माध्यमातून अजित पवार यांनी काल दिलेल्या स्पष्टीकरणाला शरद पवार यांनी देखील दुजोरा दिला आहे.
