मुंबई-अभिनेता सैफ अलीवर हल्ला करणारा बांगलादेशी निघाल्याने केंद्रीय गृह मंत्रालयाने गंभीर दखल घेतली आहे. गृहमंत्री अमित शाह यांनी बांगलादेशी घुसखोरांविरोधात कडक कारवाईचे आदेश दिले आहेत. केंद्रीय गृह मंत्रालयाने राज्याचे मुख्य सचिव व पोलिस महासंचालकांना पत्र पाठवले.बांगलादेशी आणि म्यानमारच्या रोहिंग्या घुसखोरांची संख्या मुंबईत झपाट्याने वाढल्याचा दावा टाटा इन्स्टिट्यूट ऑफ सोशल सायन्सेसच्या अहवालात केला आहे. याआधारे शिंदे गटाचे माजी खासदार राहुल शेवाळे यांनी नोव्हेंबर २०२४ मध्ये शाह यांना पत्र लिहिले होते.
टाटा इन्स्टिट्यूट ऑफ सोशल सायन्सेसच्या अहवालानुसार १९६१ मध्ये मुंबईतील एकूण लोकसंख्येपैकी ८८% हिंदू होते, २०११ मध्ये ते कमी होऊन ६६% झाले. हीच परिस्थिती कायम राहिल्यास सन २०५१ पर्यंत मुंबईत फक्त ५४% हिंदू राहतील.
बांगलादेश आणि म्यानमारमधून अवैध रीतीने मोठ्या प्रमाणात महाराष्ट्रात येणाऱ्या घुसखोरांविरोधात त्वरित योग्य ती कायदेशीर कारवाई करण्याचे आदेश केंद्रीय गृह मंत्रालयाकडून महाराष्ट्र राज्याचे मुख्य सचिव, पोलिस महासंचालक आणि अन्य संबंधित यंत्रणांना देण्यात आले आहेत. शिवसेना उपनेते माजी खासदार राहुल रमेश शेवाळे यांनी बांगलादेशी घुसखोरांविरोधात कठोर कारवाई करण्याबाबत केंद्रीय गृहमंत्री अमित शहा यांच्याकडे केलेल्या मागणीची दखल घेत, केंद्रीय गृहमंत्र्यालयाने वरील निर्देश दिले आहेत. अभिनेता सैफ अली खानवर बांगलादेशी घुसखोरांकडून झालेल्या हल्ल्याची घटना ताजी असतानाच केंद्रीय गृह मंत्रालयाच्या या आदेशाने घुसखोरांच्या विरोधातील कारवाईला वेग येण्याची शक्यता आहे.आपल्या पत्रात शेवाळे यांनी घुसखोरांमुळे होणाऱ्या गंभीर समस्यांकडे लक्ष वेधले आहे. ‘1961 च्या जनगणनेनुसार मुंबईत हिंदूंची लोकसंख्या ही 88% होती. 2011 च्या जनगणनेत हिंदूंची लोकसंख्या 66% पर्यंत घसरली. हीच टक्केवारी 2051 पर्यंत 54% वर पोहोचेल, अशी भीती राहुल शेवाळे यांनी आपल्या पत्रात व्यक्त केली आहे. तसेच काही नोंदणीकृत नसलेल्या अवैध सामाजिक संस्था या घुसखोरांना रसद पुरवत असल्याचा थेट आरोप देखील शेवाळे यांनी केला आहे. अशा प्रकारच्या बेकायदेशीर सामाजिक संस्थांवर देखील कारवाई करण्याची मागणी शेवाळे यांनी केली आहे.
