प्र्यागराज :
प्रयागराजमधील महाकुंभाच्या 7 व्या दिवशी रविवारी मेळा परिसरात भीषण आग लागली. तंबूत स्वयंपाक करत असताना ही आग लागल्याचे सांगण्यात येत आहे. तथापि, याची अधिकृत पुष्टी झालेली नाही. आगीने अधिक तंबूंना वेढले, ज्यामुळे त्यामध्ये ठेवलेल्या गॅस सिलिंडरमध्ये सतत स्फोट होत राहिले. आतापर्यंत 20 ते 25 तंबू जळाले आहेत
आखाड्याच्या समोरील रस्त्यावर असलेल्या लोखंडी पुलाखाली ही आग लागली आहे. अग्निशमन दलही घटनास्थळी पोहोचले आहे. परिसर सील करण्यात आला आहे.जोरदार वाऱ्यामुळे आग पसरण्याचा धोका आहे. सध्या कोणत्याही जीवितहानीचं वृत्त नाही. आज मुख्यमंत्री योगी देखील प्रयागराजला पोहोचले आहेत. त्यांनी हेलिकॉप्टरमधून महाकुंभमेळा परिसराची पाहणी केली होती.
महाकुंभमेळ्यातील सेक्टर-19 मध्ये लागलेली आग सेक्टर-20 पर्यंत पोहोचली. आकाशात धूर पाहून संपूर्ण गोंधळ उडाला. हे धार्मिक संघटनेचे छावणी असल्याचे सांगितले जात आहे. आतापर्यंत 50 हून अधिक छावण्यांवर परिणाम झाला आहे. गीता प्रेस गोरखपूरच्या कॅम्पवरही परिणाम झाला आहे.
