पुणे- अखेरीस पुणे पोलिसांनी नायलॉन मांजाची विक्री करणाऱ्या विक्रेत्यांची धरपकड सुरु केली असून ५ जण पकडून त्यांच्याकडून , ३७ हजाराचा मांजा जप्त केला आहे. अजूनही हि कारवाई कायमस्वरूपी सुरु ठेवण्याचे आदेश पोलीस आयुक्तांनी प्रत्येक पोलीस ठाण्यांना दिले आहेत .
पुणे शहरात नववर्ष आगमन व संक्रात सण मोठ्या उत्सहात साजरा होतो त्या निमीत्त मोठ्याप्रमाणात आकाशात पतंग उडविले जातात परंतू त्यासाठी घातक असा नायलॉन मांजा वापरण्यात येतो. नायलॉन मांजामुळे रोडवरून जाणा-या सामान्य नागरिकांना गंभीर दुखापती झाल्या आहेत. तसेच झाडांमध्ये आडकलेल्या माज्यामुळे कित्येक वेळा पक्षांचे जीव धोक्यात आलेले आहेत. नायलॉन मांजावर मा.न्यायालयाने बंदी घातलेली आहे परंतु तरीही काहीजण अशा नायलॉन मांजाची बेकायदेशिर रित्या चोरून विक्री करतात त्याअनुशंगाने नायलॉन मांजाची चोरून विक्री करणा-या विक्रेत्यांवर कारवाई करण्याचे आदेश पोलीस आयुक्त, अमितेश कुमार यांनी दिलेले आहेत.
त्याअनुषंगाने पुणे पोलीस आयुक्तालय अतंर्गत खालील प्रमाणे मांज्या विक्रत्यावर कारवाई करण्यात आलेली आहे.
१) सहकारनगर पोलीस स्टेशन गु.र.न.०८/२०२५ भा.न्या.सं.२२३,१२५, पर्या. संरक्षण अधि.५,१५ अन्वये कारवाई करून इसम नामे राहूल शाम कांबळे वय १९ वर्षे यांचे ताब्यातुन १८,०००/-रू. कि.चे ३० रिळ नॉयलॉन मांज्या जप्त करण्यात आलेला आहे.
२) चतुश्रृंगी पोलीस स्टेशन गु.र.नं.१७/२०२५ भा.न्या.सं. २२३, पर्या. संरक्षण अधि.५,१५ अन्वये कारवाई करू इसम नामे इलियास समीम शेख वय ४२ वर्षे यांचे ताब्यातुन १४,२००/-रू. कि.चे १२ नग मांज्या जप्त करण्यात आलेला आहे.
३) विश्रांतवाडी पोलीस स्टेशन गु.र.नं.०५/२०२५ भा.न्या.सं.२२३,१२५, पर्या. संरक्षण अधि.५. अन्वये कारवाई करू इसम नामे मयुर महादेव अनारसे वय ३४ वर्षे यांचे ताब्यातुन १,७२०/-रू.कि.चे दोन चकरी मांज्या जप्त करण्यात आलेला आहे..
४) वारजे माळवाडी पोलीस स्टेशन गु.र.नं.२४/२०२५ भा.न्या.सं.२२३, पर्या. संरक्षण अधि.५,१५ अन्वये कारवाई करू इसम नामे सिध्दार्थ संतोष वखारे वय १९ वर्षे यांचे ताब्यातुन ५००/- कि.चे १ नग रिळ मांज्या जप्त करण्यात आलेला आहे.
५) मार्केट यार्ड पोलीस स्टेशन गु.र.नं.०३/२०२५ भा.न्या.सं.२२३, पर्या. संरक्षण अधि.५, अन्वये कारवाई करू इसम नामे धनंजय चंद्रकांत मोहोळ वय २६ वर्षे यांचे ताब्यातुन २,४००/-रू. वे ३ नग चकरी मांज्या जप्त करण्यात आलेला आहे.
सदरची कारवाई पोलीस आयुक्त अमितेश कुमार ,पोलीस सह आयुक्त रंजनकुमार शर्मा अपर पोलीस आयुक्त (गुन्हे) शैलेश बलकवडे, पोलीस उप आयुक्त (गुन्हे) निखिल पिंगळे यांचे मार्गदर्शनाखाली पोलीस स्टेशन व गुन्हे शाखेकडील अधिकारी व अंमलदार यांनी केलेली आहे.
