मुंबई -उद्धव ठाकरे हे जर देवेंद्र फडणवीस यांचे शत्रू नाही तर त्यांचा पक्ष का फोडला? दुसऱ्या पक्षाला त्यांचे चिन्ह का देण्यात आले? त्यांचे 40 आमदार वेशांतर कडून तोडले अन् त्यांच्यातील एकालाच मुख्यमंत्री केले, या प्रश्नावर एकनाथ शिंदेंनीही विचार करायला हवा, असे काँग्रेस खासदार वर्षा गायकवाड यांनी म्हटले आहे.
वर्षा गायकवाड म्हणाल्या की, भाजपकडून महाराष्ट्राचे राजकारण गलिच्छ करण्याचा प्रयत्न करण्यात आला आहे. देशभरात भाजपच्या काळात पक्ष फोडायचे आणि चिन्ह चोरण्याचे काम राजाश्रयात झाले आहे.
ठाकरे गटाचे नेते संजय राऊत यांनी मविआबद्दल माध्यमांशी बोलण्यापेक्षा चर्चा करत निर्णय घ्यायला हवा, ते त्यांच्या पक्षाचे मत मांडत असतात, असे ठाकरे गटाने मनपा निवडणूक स्वबळावर लढण्याचा नारा दिला आहे. यावर बोलताना काँग्रेस खासदार वर्षा गायकवाड यांनी असे म्हटले आहे.काँग्रेस खासदार वर्षा गायकवाड पुढे बोलताना म्हणाल्या की,आम्ही कायम महाविकास आघाडी एकत्र राहिली पाहिजे या दृष्टीने प्रयत्न केला आहे. आमच्या पक्षाचे वरीष्ठ नेते यासंदर्भात निर्णय घेत असतात. पक्षश्रेष्ठीसोबत या विषयी आम्ही चर्चा करु.
वर्षा गायकवाड म्हणाल्या की, आमच्या कार्यकर्त्यांचे म्हणणे आहे की आम्हाला संधी मिळाली पाहिजे. मुंबईमध्ये आमच्या सीट निवडून येऊ शकल्या असत्या. पण मविआमुळे आम्हाला तिथे निवडणूक लढवता आली नाही. पण मविआची जागा निवडून यावी यासाठी आम्ही प्रयत्न केले. आघाडी धर्म आम्ही पाळला. लोकसभा निवडणूक असो की विधानसभा आम्हाला काही जागा सोडाव्या लागल्या. यात मलाही लोकसभा निवडणुकीत वेगळ्या मतदारसंघातून उमेदवारी मिळाली.वर्षा गायकवाड म्हणाल्या की, मुंबईपासून नागपूरपर्यंत काय निर्णय घ्यायचा ते आमचे पक्षश्रेष्ठी ठरवतील. संजय राऊत त्यांच्या पक्षाचे निर्णय सांगतात. आम्ही आमच्या पक्षाचे निर्णय झाला की तुम्हाला सांगू.
