भाजपाच्या तालावर महापालिका अन पोलीस देखील …? कॉंग्रेसचा सवाल
भाजपची हुकुमशाही गल्लीपर्यंत पोहोचू देऊ नका : कॉंग्रेस कार्यकर्त्यांचे आवाहन ..
पुणे- दिल्लीतील आंदोलन मोडून काढल्यानंतर , गंगेच्या तीरावर देखील विरोध झालेल्या महिला कुस्तीगीर आंदोलकांना पाठींबा देणारे फलक लावणे देखील आता पुण्यात गुन्हा ठरणार आहे. पुण्यातील भाजपच्या तालावर महापालिका तर महापालिका पण पोलीस देखील चालू लागल्याचा आरोप करत कॉंग्रेसच्या कार्यकर्त्यांनी आश्चर्य व्यक्त केले आहे. त्याचे झाले असे कॉंग्रेसच्या संजय बालगुडे यांनी सांगितले कि,’ऑलम्पिक पदक विजेत्या महिला खेळाडूंना होणाऱ्या अत्याचार विरोधात त्यांना पाठिंबा देणारा फ्लेक्स पुण्यामध्ये घोरपडे पेठ खडकमाळ येथे लावण्यात आला होता गेली महिनाभर हा फ्लेक्स लावण्यात आला होता परंतु आज अचानक सायंकाळी सहा पासून ते रात्री बारा वाजेपर्यंत पोलीस व “पुणे महानगरपालिका प्रशासन यांनी आम्हाला दूरध्वनीद्वारे असं सांगण्यात आले की या बोर्डामुळे सामाजिक सलोखा बिघडत आहे व कायदा व सुव्यवस्थेचा प्रश्न निर्माण होत आहे त्यामुळे हा बोर्ड ताबडतोब काढण्यात यावा”पोलीस अधिकारी व काही कर्मचारी सायंकाळी सात पासून ते रात्री बारापर्यंत या बोर्डापाशी काढण्यासाठी स्वतः उभे होते पुणे मनपाचे कर्मचारी व अधिकारी लांडगे हे घरी गेलेले असताना सुद्धा त्यांना फोन द्वारे कळविण्यात आले व त्यांनी आता आपली मुलाखत देताना सुद्धा सांगितले की पोलीस अधिकाऱ्यांनी त्यांना सांगितले सामाजिक सलोखा बिघडत आहे त्यामुळे तुम्ही जिथे असाल तिथून ताबडतोब खडक माळी घोरपडे पेठ या ठिकाणी यावं व महिला कुस्तीपटूंना पाठिंबा दिलेला बोर्ड त्वरित काढण्यात यावा.आणि अखेरीस तो काढून टाकण्यात आला.
