स्व. यशवंतराव चव्हाण यांच्या १०८ वी जयंती निमित्त ३२ वी लोणावळा – पुणे सायकल स्पर्धा

पुणे : स्व. यशवंतराव चव्हाण यांच्या १०८ वी जयंती निमित्त  लोणावळा – पुणे सायकल स्पर्धेचे आयोजन करण्यात आले. स्पर्धेचे हे ३२ वे वर्ष आहे. सायकल  स्पर्धा लोणावळा येथून लोणावळ्याचे माजी नगराध्यक्ष राजू गवळी तसेच निखिल कवीश्वर, बाळासाहेब शिर्के, सुवर्णा अकोलकर,दिलीप लोंढे, विलास बडेकर व संजय बालगुडे यांच्या उपस्थितीत झेंडा दाखून स्पर्धेला सुर्वात  झाली. सुमारे १५ स्पर्धकांनी या स्पर्धेत  भाग घेतला. या स्पर्धेत क्रमांक १ चा स्पर्धक केशव बजंत्री व क्रमांक ३ चा विकास शेटे यात चुरस पाहण्यात आली. हे स्पर्धा ६० किलोमीटर ची होती. नंबर १० चे स्पर्धक यांनी चांगली पकड ठेवत पुढे राहायचा प्रयत्न केला पण नंबर १ चा स्पधक केशव बजंत्री यांनी सुरवाती पासून आपली सायकल ची गती कायम ठेवत पाहिले क्रमांक पटकाविले.  हे शर्यत बालेवाडी येथे समाप्त झाली. ६० किलोमीटर चे अंतर केशव बजंत्री यांनी १तास ३४ मिनिटात पूर्ण करून पहिला क्रमांकचा मान पटकविला, तर दुसऱ्या क्रमांत वर विकास शेटे यांनी १ तास ४२ मिनिटात पूर्ण केली, तिसऱ्या क्रमांकाचे स्थान हनुमान चोपडे यांनी १ तास ४८ मिनिटात पूर्ण करण्यात यश मिळाले. काँग्रेस  भवन येथे या स्पर्धकांना प्रशस्ती पत्र प्रमुख पाहुणे धनंजय दामले ( अध्यक्ष महराष्ट्र मंडळ शिक्षण संस्था ), व रमेश बागवे ( अध्यक्ष पुणे शहर काँग्रेस कमिटी ) याच्या हस्ते देऊन सन्मानित करण्यात आले. क्रमांक १ चे स्पर्धक केशव बजंत्री यांना प्रशस्तीं पत्र व रुपये ५०००/ रोख , दुसऱ्या क्रमांक चे मानकरी विकास शेटे यांना रुपये ३०००/ रोख व सर्टिफिकेट, तर तिसऱ्या क्रमांक चे मानकरी हनुमान चोपडे यांना रुपय २०००/ रोख देऊन सन्मानित करण्यात आले. या प्रसंगी  अनिल पायगुडे, उपस्थित होते. या प्रसंगी रमेश बागवे यांनी आपले मनोगत व्यक्त करताना म्हणाले, या स्पर्धकांचा उत्साह वाढवण्यासाठी  यांना अनेक सुविधा व शासनाकडून कशी मदत मिळेल याचे प्रयत्न केले पाहिजे. संजय बालगुडे गेले ३२ वर्ष हा उपक्रम एक निष्ठेने करीत आहेत, त्यांना खूप खूप शुभेच्छा. कार्यक्रम घेणे सोपे आहे पण त्या मागची मेहेनत संजय बालगुडे अनेक वर्षान पासून घेत आहेत  हे फार उल्लेखनीय आहे. कार्यक्रमाचे संयोजन संजय बालगुडे यांनी केले तर सर्वांचे स्वागत अनंतराव गांजवे  यांनी केले. कार्यक्रमाचे आभार अशोक जगताप यांनी मानले.