पुणे- मार्केट यार्ड परिसरातील आंबेडकर नगर मध्ये रात्री १० नंतर कोयते, तलवारी नाचवून लोकांना दुकाने बंद करायला लावून सात मोटार सायकल आणि एका हातगाडीवर कोयत्याने तलवारीने वार करून दहशत निर्माण करणाऱ्या याच परीसरातील ६ जणांवर मार्केट यार्ड पोलिसांनी गुन्हे दाखल केले आहेत . यातील एक जन हाथी लागला असून तो आणि आणखी २ असे एकूण तिघेजण आरोपी अल्पवयीन असल्याचे पोलिसांनी सांगितले यातील २ अल्पवयीन मुलांसह एकूण ५ जन सध्या फरार आहेत .अगदी दहावी च्या इयत्तेत शिकणाऱ्या मुलाचाही यात समावेश आहे.ज्यांची कुठलीही गुन्हेगारी पार्श्वभूमी असल्याची माहिती अद्याप नसल्याचे समजते .
आंबेडकर नगर गल्ली नंबर १६ येथे त्यांनी कोयते आणि तलवारी नाचवीत दहशत पसरविली . एका ३२ वर्षीय युवकाने याबाबत पोलिसात तक्रार दिली आहे. पोलीस उपनिरीक्षक शिंदे अधिक तपास करत आहेत .
टाटा कंपनीचे काॅन्ट्रक्ट मिळवून देण्याचे बहाण्याने 47 लाखांची फसवणुक:काेरेगाव पार्क पाेलिस ठाण्यात गुन्हा दाखल
नाशिक येथील एका व्यवसायिकाला टाटा कंपनीचे काॅन्ट्रक्ट मिळवून देण्याचे बहाण्याने त्याचा विश्वास संपादन करुन दाेन जणांनी 47 लाख 40 हजार रुपयांची आर्थिक फसवणुक केल्याचा प्रकार उघडकीस आला आहे. याप्रकरणी काेरेगाव पार्क पाेलिस ठाण्यात दाेन आराेपींवर फसवणुकीचा गुन्हा दाखल करण्यात आल्याची माहिती पाेलिसांनी शनिवारी दिली.
प्रतित अशीत शाह व क्रितीका अशित शहा (रा.बाणेर,पुणे) अशी गुन्हा दाखल झालेल्या आराेपींची नावे आहे. याबाबत राजु बबन काकड (45, रा.नाशिक) यांनी पाेलिसांकडे तक्रार दाखल केली आहे. हा प्रकार ऑक्टाेबर 2021 ते 21 डिसेंबर 2021 यादरम्यान घडलेला आहे. व्यवसायिकाने याबाबत विलंबाने नाशिक उपनगर पाेलिस स्टेशन येथून शून्य क्रमांकाने काेरेगाव पार्क पाेलिस ठाण्यात दाखल झाला आहे.
पाेलिसांनी दिलेल्या माहितीनुसार, आराेपी प्रतित शाह व क्रितीका शाह हे टेराफर्मा सुपरस्ट्रक्ट एलएलपी कंपनीचे भागीदार आहे. त्यांनी तक्रारदार यांना टाटा कंपनीचे 55 काेटी 58 लाख 47 हजार रुपयांचा काॅन्ट्रॅक्ट भेटले आहे असे खाेटे सांगितले आणि त्याबाबत बनावट कागदपत्रे दाखवली. त्यामुळे तक्रारदार यांचा विश्वास संपादन करुन आराेपींनी सब काॅन्ट्रॅक्टर म्हणून काम देण्यासाठी त्यांच्याकडून 63 लाख 40 हजार रुपये घेऊन त्यापैकी 16 लाख रुपये परत करुन उर्वरित 47 लाख 40 हजार रुपये परत न करता त्यांचा विश्वासघात करुन फसवणुक करण्यात आलेली आहे. याबाबत सहाय्यक पाेलिस निरीक्षक एस. लिगाडे पुढील तपास करत आहे.
दिवेआगर ला जमीन विकत देतो सांगून फसवणुक
पुण्यातील साळुंखे विहार येथे राहणाऱ्या समीना हनिफ शेख ऊर्फ जयश्री परदेशी (वय 44) यांना आराेपी इरशाद अब्दुल गफार नजिर (रा.पुणे) याने रायगड जिल्हयातील दिवे आगार येथे 22 गुंठे जागा असल्याचे सांगितले. त्यापैकी साडेपाच गुंठे जागा तक्रारदार यांना विकत देण्याचे कबुल करुन त्यांचा विश्वास संपादन करुन त्यापाेटी अडीच लाख रुपये आरटीजीएस द्वारे गुगल-पे द्वारे आणि कॅशद्वारे घेून ही जागा ही त्याचे नावावर नसल्याचा संशय तक्रारदार यांना आल्याने त्यांनी दिलेली रक्कम परत मागितली असता आराेपींनी ती देण्यास टाळाटाळ करुन फसवणुक केली आहे. याप्रकरणी आराेपींवर काेंढवा पाेलिस ठाण्यात गुन्हा दाखल करण्यात आला आहे.
पुणे शहरात दिवसेंदिवस घरफाेडी चाेरीचे प्रकार घडत असून माेठया प्रमाणात चाेरटे साेने-चांदीचे दागिने, राेख रक्कम पळवून नेत असल्याचे दरवेळी दिसून येते. परंतु खडकी परिसरातील रेंजहिल्स याठिकाणी चाेरटयांनी एका घरात घरफाेडी करताना, घरात दागिने मिळून न आल्याने, घरातील टीव्ही, फ्रीज, लॅपटाॅप, संसारउपयाेगी भांडी, गॅस सिलेंडर पळवून नेल्याची माहिती पाेलिसांनी शनिवारी दिली आहे.
याबाबत खडकी पाेलीस ठाण्यात राहुल के (वय 34) यांनी अज्ञात आराेपी विराेधात पाेलिसांकडे तक्रार दाखल केली आहे. सदरचा गुन्हा 19 जानेवारी राेजी सकाळी साडेसात ते रात्री आठ वाजण्याच्या दरम्यान घडलेला आहे. तक्रारदार राहुल के हे कुटुंबा समवेत बाहेरगावी गेले असल्याने काही दिवस त्यांचा मित्र जे भगतसिंग हा त्यांचे घरी रात्री झाेपण्यास येत हाेता.
परंतु घटनेच्या दिवशी सकाळी भगतसिंग हा त्यांचे राहते घराला कुलुप लावून गेला असताना, अज्ञात आराेपीने त्यांचे घराचे कुलुप व काेयंडा ताेडून घरात प्रवेश करुन टीव्ही, फ्रीज, गॅस सिलेंडर, लॅपटाॅप, संसार उपयाेगी साहित्य असा 88 हजार रुपयांचा मुद्देमाल घरफाेडी चाेरी करुन पळवून नेला आहे. याप्रकरणी पुढील तपास पाेलीस उपनिरीक्षक एम भांडवलकर करत आहे.
