पुणे-क्रिएटिव्ह फौंडेशन व कै विश्वनाथ भेलके प्रतिष्ठानच्या वतीने गत बारा वर्षे आयोजित केल्या जाणाऱ्या कोथरूड नवरात्र महोत्सवास दिनांक १० ऑक्टोबर ला घटस्थापनेने प्रारंभ होत असून अनेक दर्जेदार कार्यक्रमाचे आयोजन करण्यात आल्याचे क्रिएटिव्ह फौंडेशनचे अध्यक्ष संदीप खर्डेकर यांनी सांगितले.यावेळी महोत्सवाच्या सह संयोजिका नगरसेविका मंजुश्री खर्डेकर,उत्सव प्रमुख विशाल भेलके व उमेश भेलके उपस्थित होते.घटस्थापना ही कोथरूड मधील डी पी रस्त्यावर शिवतारा गार्डन समोर होणार असल्याचे ही त्यांनी सांगितले.
दिनांक १२ ऑक्टोबर रोजी यशवंतराव चव्हाण नाट्यगृह येथे आमदार मेधा कुलकर्णी यांच्या हस्ते या महोत्सवाचे उदघाटन होणार असून यावेळी सांस्कृतीक क्षेत्रातील मोलाच्या योगदानाबद्दल संवाद चे सुनिल महाजन व निकिता मोघे यांना त्यांच्या हस्ते सन्मानित करण्यात येणार आहे.पुलं गदिमा आणि सुधीर फडके ह्या अजरु त्रयीच्या जन्मशताब्दी निमित्त त्यांच्या रचनांवर आधारित “लेणे प्रतिभेचे” हा कार्यक्रम सादर केला जाणार आहे.या कार्यक्रमाचे संयोजन सुनिल महाजन यांचे असून संजीव मेहेंदळे,योगिता गोडबोले व प्रतिभा थोरात यांच्या गायकी चा आविष्कार ऐकायला मिळणार आहे.
शनिवार १३ ऑक्टोबर रात्रौ ९ वाजता प्रसिद्ध अभिनेते शरद पोंक्षे व हेमंत बर्वे यांचा स्वतंत्रते भगवती हा कार्यक्रम सादर केला जाईल.महापौर मुक्ता टिळक यांच्या हस्ते या दोघांना सन्मानित करण्यात येणार आहे.
रविवार १४ ऑक्टोबर रोजी दुपारी १२ वाजता सहकुटुंब पहावा असा दर्जेदार लावण्यांचा कार्यक्रम ” तुमच्या साठी काय पण ” सादर केला जाईल.
मंगळवार १६ ऑक्टोबर रोजी बालजत्रा,बुधवार १७ ऑक्टोबर रोजी तृतीयपंथीयांच्या हस्ते वाघजाई देवीची आरती व त्यांना साडी वाटप असा कार्यक्रम होइल तर गुरुवार १८ ऑक्टोबर रोजी मंगळागौर,दांडिया व भोंडल्याचा कार्यक्रम होइल.असे संदीप खर्डेकर,विशाल भेलके व उमेश भेलके यांनी सांगितले.मंगळवार २३ ऑक्टोबर रोजी कोजागिरी पोर्णिमेस दांडिया व दुग्धपान कार्यक्रमाने या महोत्सवाची सांगता होइल.
हे सर्व कार्यक्रम यशवंतराव चव्हाण नाट्यगृह येथे होणार असून सर्व कार्यक्रम मोफत असल्याचे नगरसेविका मंजुश्री खर्डेकर म्हणाल्या.मोफत प्रविशिकेसाठी रसिकांनी संदीप खर्डेकर ९८५०९९९९९५ , विशाल भेलके ९०११०२३०२३ ,उमेश भेलके 9890154050,या क्रमांकावर संपर्क करावा असे ही त्या म्हणाल्या.
