पुणे : रिपब्लिकन पार्टी ऑफ इंडिया (A) पुणे शहरतर्फे महायुतीचे पुण्याचे नवनिर्वाचित खासदार गिरीश बापट यांचा सत्कार करण्यात आला. जिल्हाधिकारी कार्यालयासमोरील डॉ. बाबासाहेब आंबेडकर उद्यानातील डॉ. बाबासाहेब आंबेडकर यांच्या पुतळ्याला पुष्पहार घालून गिरीश बापट यांनी बाबासाहेबांना अभिवादन केले. यानंतर रिपब्लिकन पक्षाच्या कार्यकर्त्यांनी घोषणा देत, फटाके फोडून विजयोत्सव साजरा केला. प्रचारातील सक्रिय सहभागाबद्दल गिरीश बापट यांनी रिपब्लिकन पक्षाच्या कार्यकर्त्यांचे आभार मानले.
यावेळी महापौर मुक्ता टिळक, ‘आरपीआय’चे पुणे शहर अध्यक्ष अशोक कांबळे, ‘आरपीआय’चे प्रदेश सचिव बाळासाहेब जानराव, पश्चिम महाराष्ट्र युवक अध्यक्ष परशुराम वाडेकर, राष्ट्रीय निमंत्रक ऍड. मंदार जोशी, नगरसेविका हिमाली कांबळे, सुनीता वाडेकर, सोनाली लांडगे, कार्याध्यक्ष बसवराज गायकवाड, युवक आघाडीचे शहराध्यक्ष शैलेंद्र चव्हाण, सचिव महिपाल वाघमारे, संजय सोनावणे, निलेश आल्हाट, जयदेव रंधवे, किरण भालेराव, संतोष खरात, चंद्रकांता सोनकांबळे, संघमित्रा गायकवाड, शशिकला वाघमारे, आशिष भोसले, बाबुराव घाडगे,सुन्नबी शेख, रमेश तेलवडे, के. जी पवळे, नंदा निकाळजे, मंगल राजगे, भगवान गायकवाड आदी उपस्थित होते.
गिरीश बापट म्हणाले, ‘छत्रपती शिवाजी महाराज, डॉ. बाबासाहेब आंबेडकर, महात्मा ज्योतिबा फुले यांसारख्या थोर समाजसुधारकांना अभिवादन करून खासदार म्हणून काम करण्यास सुरुवात करीत आहे. भारतीय जनता पक्ष, शिवसेनेसह रिपब्लिकन पक्षाच्या कार्यकर्त्यांनी गेली तीन महिने अहोरात्र मेहनत घेतली. कार्यकर्त्यांच्या मेहनतीचे हे फळ आहे. माझ्या विजयात ‘आरपीआय’च्या कार्यकर्त्
