· २०२३ इदेमित्सु होंडा इंडिया टॅलेंट कप NSF250R मध्ये पाच नवे रायडर्स आपले कौशल्य दाखवणार
नवी दिल्ली, १ जून २०२३ – २०२३ इदेमित्सु होंडा इंडिया टॅलेंट कपसाठी होंडा रेसिंग इंडियाने आपल्या रायडर्सची टीम जाहीर केली आहे. कोईम्बतूरमधील कारी मोटर स्पीडवे येथे या वीकेंडला ही रेस होणार आहे.
इदेमित्सु होंडा इंडिया टॅलेंट कपच्या २०२३ सीझनमध्ये जबरदस्त रेसिंग पाहायला मिळणार असून मोटरसायकल रेसिंगचे भारतातील भविष्य कसे असेल याची झलक अनुभवता येईल. या पाच फेऱ्यांच्या सीझनमध्ये १४ गुणवत्तापूर्ण तरुण रायडर्स सहभागी होऊन होंडाचे प्रतिनिधीत्व करतील. NSF250R या मोटोथ्री रेस मशिनवर स्वार होत रायडर्स आपले कौशल्य दाखवून देतील. त्याशिवाय CBR150R नॉव्हिस विभागात चांगली कामगिरी केलेले पाच नवे रायडर्स टीममध्ये सहभागी होणार आहेत.
इदेमित्सु होंडा इंडिया टॅलेंट कप राष्ट्रीय व आंतरराष्ट्रीय स्पर्धांसाठी रायडर्सची नवी पिढी घडवण्यासाठी व्यासपीठ म्हणून उपयुक्त ठरत आहे. या प्रतिष्ठित मोटरसायकल कार्यक्रमात असामान्य गुणवत्ता आणि होंडाच्या उदयोन्मुख रेसर्सचे कौशल्य दिसून येणार आहे. या स्पर्धेत कडवी झुंज देत या रायडर्सना कोईम्बतूरच्या राष्ट्रीय रेसिंग सर्किटवर अविस्मरणीय कामगिरी करण्याची संधीही मिळणार आहे.
आगामी सीझनविषयी होंडा मोटरसायकल अँड स्कूटर इंडियाचे अध्यक्ष, मुख्य कार्यकारी अधिकारी आणि व्यवस्थापकीय संचालक श्री. त्सुत्सुमु ओतानी म्हणाले, ‘तरुण गुणवत्तेचा विकास आणि भारतात मोटरसायकल रेसिंगचा प्रसार करण्याची आमची बांधिलकी इदेमित्सु होंडा इंडिया टॅलेंट कपच्या माध्यमातून दिसून येते. या व्यासपीठाने भारतातील रेसिंगचे भविष्य घडवण्यात महत्त्वाची भूमिका बजावली आहे. या स्पर्धेमुळे तरुण रायडर्सना चमकण्याची, आपले कौशल्य उंचावण्यासाठी व क्षमतेचा पूर्ण वापर करण्यासाठी आवश्यक संधी मिळते.’
२०२३ सीझनविषयी होंडा मोटरसायकल अँड स्कूटर इंडियाच्या विक्री आणि विपणन विभागाचे संचालक श्री. योगेश माथुर म्हणाले, ‘आगामी इदेमित्सु होंडा इंडिया टॅलेंट कपमध्ये आमच्या तरुण रायडर्सची असामान्य गुणवत्ता पाहाण्यासाठी आम्ही उत्सुक आहोत. आधीच्या फेऱ्यांमध्ये सातत्याने केलेल्या चांगल्या कामगिरीमुळे आगामी रेसमधे त्यांच्याकडून असलेल्या अपेक्षा वाढल्या आहेत. दृढनिश्चय आणि कठोर मेहनतीच्या जोरावर हे तरुण रायडर्स राष्ट्रीय पातळीवर जबरदस्त कामगिरी करण्यासाठी सज्ज आहे. NSF250R सारख्या ताकद, चपळाई आणि अत्याधुनिक तंत्रज्ञानाने युक्त मोटोथ्री मशिनचा दमदार पाठिंबा त्यांना लाभला आहे. त्यांच्या क्षमतेवर मला पूर्ण विश्वास असून आगामी रेसमध्ये त्यांचे कौशल्य पाहाण्यासाठी मी उत्सुक आहे.’
इदेमित्सु होंडा इंडिया टॅलेंट कपसाठी रायडर्सची टीम
२०२३ सीझन इदेमित्सु होंडा इंडिया टॅलेंट कप NSF250R मध्ये १४ तरुण आणि गुणवत्तापूर्ण रायडर्स होंडाच्या प्रतिष्ठित मोटोथ्री मशिनवर स्वार होतील. त्यामध्ये कविन क्विंतल (१८ वर्ष), श्याम सुंदर (१९ वर्ष), रक्षित एस दवे (१४ वर्ष), थिओपॉल लिएंडर (२२ वर्ष) चेन्नई, मलप्पुरमचे मोहसिन पी (२० वर्ष), एएस जेम्स (२१ वर्ष) आणि बेंगळुरूचे सॅम्युएल मार्टिन, बोकोरो स्टील सिटीचे प्रकाश कामत (१९ वर्ष) आणि बेळगावचे विवेक रोहित कपाडिया (२० वर्ष) यांचा समावेश आहे.
त्यांच्यासोबत मुंबईचे राहीश खत्री (१५ वर्ष), उत्तुरचे सिद्धेश सावंत (२१ वर्ष), बेंगळुरूचे हर्षित बोगार (१९ वर्ष), श्याम बाबू (१९ वर्ष) आणि हैद्राबादचे बिदानी राजेंद्र (१८ वर्ष) यांना CBR150R कपमध्ये समाविष्ट करण्यात आले आहे.
