मुंबई हून न्यूयॉर्क (जे एफ के), फ्रँकफर्ट आणि पॅरिस साठी विमाने वाढविली.

एअर इंडियाने भारतापासून यूएसए आणि यूरोप मधील सहा गंतव्यस्थानांपर्यंत नेटवर्क अजून मजबूत केले.

मुंबई आणि दिल्ली या दोन्ही ठिकाणांहून नवीन विना-थांबा उड्डाणे चालू केली.

    दिल्ली हून कोपेनहेगन, मिलान आणि विएन्ना साठी विमान पुन्हा चालू केले.

भारतापासून या आंतरराष्ट्रीय स्थळांपर्यंत न थांबता उड्डाण करणारी एअर इंडिया ही एकमेव विमान कंपनी आहे.

नवी दिल्ली, २३ नोव्हेंबर, २०२२: भारतातील आघाडीची विमान कंपनी आणि स्टार अलायन्स सदस्य एअर इंडिया ने आज मुंबई हून न्यूयॉर्क, फ्रॅंकफर्ट आणि पॅरिस ला जोडणारी नवीन उड्डाणे आणि दिल्ली हून कोपेनहेगन, मिलान आणि विएन्नाला जोडणारी विना-थांबा उड्डाण पुन्हा सुरू करून जागतिक स्तरावर विस्ताराची आणि बळकटी आणण्याची घोषणा केली.

            एयर इंडिया भाडेतत्वावर नवीन विमाने घेऊन आपल्या विमानांच्या ताफ्यात वाढ करीत असल्यामुळे आणि विद्यमान विमाने सेवेत परत सक्रिय करण्यामध्ये सतत प्रगती करत असल्याने हा विस्तार शक्य झाला आहे.

            ही नवीन मुंबई ते न्यूयॉर्क सेवा ‘जॉन एफ केनडी आंतरराष्ट्रीय विमानतळ, न्यूयॉर्क’पर्यंत दररोज ‘बी ७७७-२०० एल आर’ एअर क्राफ्ट  वापरुन देण्यात येणार आहे आणि ही सेवा १४ फेब्रुवारी २०२३ रोजी सुरू होईल. एअर इंडियाच्या दिल्ली ते  ‘जॉन एफ केनडी आंतरराष्ट्रीय विमानतळ, न्यूयॉर्क’पर्यंत आणि नेवार्क् लिबर्टी विमानतळासाठी चार साप्ताहिक उड्डाणे या सध्याच्या सेवेला ही नवीन सेवा पूरक असेल. यामुळे एयर इंडिया ची भारत अमेरिका फ्रिक्वेन्सी दर आठवड्याला ४७ विना-थांबा फ्लाइटस् वर जाईल.

            यूरोप साठी एअर इंडिया १ फेब्रुवारी, २०२३ पासून आठवड्यातून चार वेळा  दिल्ली-मिलान व्ही व्ही विमानसेवा आणि १८ फेब्रुवारी, २०२३ पासून दिल्ली-विएन्नाला व्ही व्ही साठी आणि १ मार्च, २०२३ पासून दिल्ली- कोपेनहेगन व्ही व्ही या दोन्ही ठिकाणांसाठी आठवड्यातून तीनदा अशी विमान सेवा चालू करणार आहे. मुंबई हून पॅरिस कडे आठवड्यातून तीनदा जाणारी नवीन विमानसेवा आणि मुंबईहून फ्रॅंकफर्टला आठवड्यातून चार वेळा जाणारी विमानसेवा पुढच्या तिमाही मध्ये चालू होईल. ही सर्व उड्डाणे एअर इंडियाच्या बी ७८७-८ ड्रीमलाइनर विमानद्वारे चालविली जातील; ज्यामध्ये १८ बिझनेस क्लास आणि २३८ इकॉनॉमी क्लास च्या सीटस् असतील.

            ही उड्डाणे पुन्हा चालू केल्यामुळे, एअर इंडिया यूरोप मधील सात शहरांना ७९ साप्ताहिक विना-थांबा फ्लाइटस सह; ४८ यूनायटेड किंगडम ला आणि ३१ यूरोप खंडाला,  सेवा देईल.

            या विस्तारावर भाष्य करताना एअर इंडिया चे मुख्य कार्यकारी अधिकारी( सी इ ओ) आणि व्यवस्थापकीय संचालक श्री. कॅम्पबेल विल्सन म्हणाले की, “आमच्या पंचवार्षिक परिवर्तन योजनेचा म्हणजे ‘विहान, ए आय’ चा एक महत्वाचा घटक म्हणजे भारताचे जागतिक नेटवर्क मजबूत करणे आणि भारतातील प्रमुख शहरांना आणखी जास्त गंतव्य स्थानांशी जोडणे हे आहे. न्यूयॉर्क, मिलान, कोपेनहेगन, विएन्ना, फ्रॅंकफर्ट आणि पॅरिस येथे नवीन विना-थांबा विमान चालू करणे हे आमच्या या प्रवासातील एक पुढचे पाऊल आहे, जे आमच्या विमानांचा ताफा  जसजसा वाढत जाईल तसतसे अजून वेगाने वाढेल. आम्ही पाहुण्यांचे स्वागत करण्यासाठी आणि त्यांना आपले एअर इंडिया चे भारतीय आदरातिथ्य देण्यासाठी उत्सुक आहोत.”

या नवीन विमानांची, पॅरिस आणि फ्रॅंकफर्ट सोडून, तिकीट विक्री चालू झाली आहे. पॅरिस आणि फ्रॅंकफर्ट चे वेळापत्रक आणि तिकीट विक्री सुरू होण्याची तारीख वेगळी जाहीर होईल.

तिकीट बूक करण्यासाठी कृपया www.airindia.in पहा किंवा आपल्या ट्रॅव्हल एजेंट किंवा एयर इंडियाच्या कार्यालयात संपर्क करा.

Flight Schedules