- काँग्रेस गटनेते आबा बागुल व विरोधी पक्षनेत्या दीपाली धुमाळ यांची मागणी.
पुणे- कोरोना विषयक काम करणारे मनपा कर्मचारी, मानधनावरील कर्मचारी, ठेकेदारी पद्धतीने असलेले कर्मचारी यांनी प्रत्यक्ष केलेल्या कामाच्या प्रमाणात हजर दिवसाप्रमाणे प्रतिदिन .रु.१५०/-प्रोत्साहन भत्ता देण्यात यावा आशी मागणी विरोधी पक्षनेत्या दिपाली धुमाळ व कॉंग्रेसचे गटनेते आबा बागुल यांनी स्थायी समितीस केली आहे.
कोरोना विषाणू प्रसारावरील प्रतिबंधात्मक उपाय म्हणून राज्य शासकीय कार्यालयातील अधिकारी / कर्मचारी यांची उपस्थितीती नियंत्रित करण्याबाबत निर्देश देण्यात आले होते.राज्य शासनाने दि.२४ मार्च, ते १७ मे, व १४ जुलै, ते २३ जुलै, या कालावधीत ६५ दिवसांचा लॉकडाऊन कालावधी जाहीर करण्यात आला होता. सदर कालावधी मध्ये सर्व लोकल सेवा / परिवहन सेवा व इतर दैनिक प्रवासी सेवा बंद करण्यात आल्या होत्या.त्यामुळे अत्यावश्यक सेवेतील सर्व अधिकारी/कर्मचारी यांना कामाच्या ठिकाणी ये-जा करण्यास अडचणी निर्माण झाल्या होत्या.
तसेच सदरच्या लॉकडाऊनमुळे अत्यावश्यक सेवा वगळता इतर सर्व दैनंदिन सेवा तसेच हॉटेल,
रेस्टॉरंट व भोजनालय बंद करण्यात आली होती. त्यामुळे सदरहून कर्मचारी यांना भोजनाची व्यवस्था उपलब्ध झाली नाही. पुणे महानगरपालिका नियमित सेवेतील तसेच
अत्यावश्यक सेवेतील सर्वच अधिकारी/कर्मचारी यांनी जोखीम पत्करून कामावर हजर राहून त्यांचेवर सोपविलेली जबाबदारी योग्यरीत्या पार पाडली. कोरोना विषाणूचा प्रसार व त्यावरील उपाययोजना अंतर्गत महानगरपालिकेने विविध स्थापन केलेले कक्ष, रुग्णालये, कोविड केअर सेंटरमध्ये महापालिकेतील बहुतांशी सर्वच विभाग व विभागातील अधिकारी/कर्मचारी कार्यरत आहेत. लॉकडाऊन कालावधीत देखील वेळेचे बंधन पाळता नेमून दिलेले काम अधिकारी व कर्मचारी करीत आहेत.अश्या कर्मचाऱ्यांना १५० रुपये प्रोत्साहन भत्ता देण्यात यावा अशी मागणी बागुल व धुमाळ यांनी केली आहे.
