देशाच्या विकासात युवकांचे महत्त्वाचे योगदान- विरोधी पक्ष नेते प्रविण दरेकर

‘विकास तीर्थ बाईक रॅली’ चा शुभारंभ
मुंबई, दि. ७ जून- देशाच्या विकासामध्ये व मोदीजी यांच्या सरकारमध्ये युवक व विद्यार्थ्यांना अनन्यसाधारण महत्त्व आहे. त्यामुळे युवा मोर्चाने विकास तीर्थ बाईक रॅलीच्या माध्यमातून पंतप्रधान नरेंद्र जी मोदी यांच्या केंद्रातील सरकारच्या यशस्वी ८ वर्षपूर्ती कामगिरी जनेतपुढे जावी या उद्देश्याने आयोजित केलेला हा अभिनव उपक्रम प्रशंसनीय आहे. युवा वर्गाच्या प्रति मोदीजी यांचे सरकार कसे समर्पित आहे, युवा वर्गाच्या उन्नतीसाठी केंद्र सरकार कसे वचनबध्द आहे हे या निमित्ताने अधोरेखित होणार आहे असे प्रतिपादन विधानपरिषदेचे विरोधी पक्ष नेते प्रविण दरेकर यांनी आज केले.
पंतप्रधान नरेंद्रजी मोदी यांच्या केंद्रातील सरकारच्या यशस्वी ८ वर्ष पूर्ती निमित्ताने महाराष्ट्र भाजपा युवा मोर्चातर्फे आयोजित करण्यात आलेल्या राज्यव्यापी ‘विकास तीर्थ बाईक रॅली’ चा शुभारंभ विधानपरिषदेचे विरोधी पक्ष नेते प्रविण दरेकर यांच्या प्रमुख उपस्थितीत करण्यात आला. यावेळी युवा मोर्चाचे अध्यक्ष विक्रांत पाटील आदी मान्यवर उपस्थित होते. विकास तीर्थ बाईक रॅलीचां शुभारंभ भारतीय जनता पार्टी प्रदेश कार्यालय,नरिमन पॉइंट, येथे करण्यात आला.
युवकांचा विकासासाठी मोदीजी यांच्या सरकारने गेल्या आठ वर्षांच्या काळात प्राधान्य दिले आहे. युवा मोर्चाच्या माध्यमातून विक्रांत पाटील यांनी नेहमीच विविध अभिनव उपक्रम राबविले. भाजपाच्या सेवा पर्वाच्या माध्यमात युवा वर्गाचाही महत्त्त्वाचा सहभाग आहे. गेली आठ वर्षं संकल्पांची आणि पूर्ततांची होती. या कार्यकाळात सेवा, चांगलं प्रशासन आणि गरीब कल्याणासाठी अनेक योजना राबविण्यात आल्या. या महत्वाच्या योजनाच्या यशस्वीतेबाबत युवा मोर्चाने आखलेला उपक्रम स्तुत्य असल्याचेही दरेकर यांनी सांगितले.