पुणे-पेन्शनर्स असोसिएशनच्या प्रश्नाबाबत केंद्र सरकारकडे पाठपुरावा करणार असल्याचे खासदार बापट यांनी आज येथे स्पष्ट केलं आहे
बापट म्हणाले,’ पुणे शहरात केंद्र शासन आरोग्य योजना (CGHS) बरेच वर्षापासुन सुरु आहे. त्या योजनेचा लाभ केंद्र शासन कर्मचारी व निवृत्त कर्मचारी तसेच त्याचे कुटुंब घेत आहे. त्यांच्या समस्या सोडविण्यासाठी पुण्यात विविध विषयात पेन्शनर्स असोसिएशन काम करित आहे.
पेन्शनर्स असोसिएशन यांच्या समस्याबाबत माझ्या कसबा ऑफिसमध्ये बैठक आयोजित केली होती. त्यामध्ये पुण्यातील कॉन्फिडरेशन्स ऑफ सेंट्रल गव्हर्नमेंट एम्प्लॉईज आणि वर्कर्स पुणे, संरक्षण कर्मचारी संघर्ष समिती, ऑल इंडिया पोस्ट अँड आर.एम. एस. पेन्शनर्स असोसिएशन, द सेंटर सिव्हिलियन पेन्शनर्स वेल्फेअर असोसिएशन खडकी पुणे, डीजीक्यूए इंजीनियरिंग डिसिप्लिन सिविलियन पेन्शनर्स ऑर्गनायझेशन, सेंट्रल गव्हर्नमेंट एम्पलोयीज अँड पेनल कॉर्डिनेशन कमिटी पुणे, राष्ट्रीय मजदूर काँग्रेस (इंटक) पुणे शहर व जिल्हा, ऑल इंडिया सेंट्रल गव्हर्नमेंट पेन्शनर्स असोसिएशन एच.क्यू पुणे, या पेन्शनर असोसिएशनचे अध्यक्ष, उपाध्यक्ष, व सचिव बैठकीसाठी उपस्थित होते.
पुणे शहरात विविध भागात CGHS मार्फत ९ वेलनेस सेंटर चालू आहेत. त्यामध्ये केंद्रा शासन कर्मचारी व निवृत्त कर्मचारी तसेच त्याचे कुटुंबांना तपासले जाते, तसेच गंभीर आजार असेल तर त्यांचेवर पुणे शहरातील (CGHS) च्या पॅनलमध्ये असलेल्या हॉस्पिटल मार्फत उपचार केले जातात. या हॉस्पिटलचा सर्व खर्च CGHS उचलत आहे. त्यासाठी हॉस्पिटलने कैशलेस फॅसिलिटी दिली होती पण त्यामध्ये हॉस्पिटलची बिले वेळेवर केंद्र शासनाकडून मिळत नाहीत. त्यामुळे हॉस्पिटलने पेन्शनर्सना सुविधा देण्यास नकार दिला आहे. तर पेन्शनर्स यांच्याकडे हॉस्पिटल बील भरण्यास मोठी रक्कम नसते. तसेच बहुस्पेशालिटी हॉस्पिटलने अचानक CGHS लाभार्थ्यांना रोखरहित उपचार बंद केले आहेत. धर्मादाय कायद्यांतर्गत नोंदणीकृत हॉस्पिटलने सर्व व्यक्तींना उपचार दिले पाहिजेत. वैद्यकीय उपचारांचे दर शक्य तितक्या लवकर सुधारणे आवश्यक आहे. सी.जी.एच.एस. ला पुरेसा निधी दिला जावा, जेणेकरून नामांकित रुग्णालयांनी सादर केलेली वैद्यकीय बिले वेळेत मिळतील. पुणे शहरामध्ये एकूण ९ वेलनेस सेंटर दवाखाने असून त्यामध्ये कामावर असणारे व सेवानिवृत्त केंद्रीय कर्मचारी मिळून सुमारे २ लाख कार्डधारक आहेत. शहरात व नवीन भागात राहणाऱ्या कर्मचाऱ्यांसाठी / निवृत्ती वेतनधाराकांसाठी त्यांच्या आवाक्यात CGHS नवीन वेलनेस केंद्रे उघडण्याची मोठी मागणी केली आहे. सी.जी.एच.एस. मध्ये औषधोपचार घेणा-या ज्येष्ठ व अतिज्येष्ठ रुग्णांना भरपूर अडचणींना सामोरे जावे लागते. जेष्ठ रुग्णांना काही औषधांची तातडीने गरज असते, ती औषधे स्थानिक बाजारातून खरेदी केली जातात. हि औषधे कमीत कमी दुस-या दिवशी तरी मिळावित हि अपेक्षा आहे. परंतु रुग्णांना दोन-दोन चकरा मारून ही औषधे मिळत नाहीत. सी.जी.एच.एस. मार्फत रोबोटिक व लेजर शस्त्रक्रियांची सोय मिळणेबाबत कारण डॉक्टरांनी केलेल्या शस्त्रक्रियेमुळे ज्येष्ठ/ अतिज्येष्ठ रुग्णांना तंदुरुस्त होण्यास वेळ लागतो. मान्यताप्राप्त दवाखान्यात सी.टी. स्कॅन, २ डी इको सोय नसते. पेन्शनर्स त्यांना इतर दवाखान्यात पाठविले जाते. तरी निविदा मंजूर करताना सर्व सुविधा असणा-या अत्याधुनिक दवाखान्यांना मंजुरी द्यावी. पुणे शहरातील सी.जी.एच.एस. मध्ये डॉक्टर व पारा मेडिकल कर्मचारी भरती करणे. सी.जी.एच.एस.चे स्वत:चे आंतररुग्ण हॉस्पिटल स्थापन करणेबाबत हॉस्पिटलला मान्यता मिळावी इत्यादी प्रश्न पेन्शनर्स असोसिएशन यांनी मांडलेले. अशा विविध गोष्टीवर पेन्शनर्स असोसिएशनच्या प्रतिनिधींसमवेत चर्चा झाली. असे खासदार बापट यांनी येथे सांगितले.
