पुण्यात गुंठेवारी सुरु : निर्णयाचे – प्रदेशाध्यक्ष आ. चंद्रकांतदादा पाटील यांच्याकडून स्वागत

पुणे -मनपा प्रशासनाने आज पुण्याचे महापौर व अन्य पदाधिकाऱ्यांना गुंठेवारी संबंधीचे सादरीकरण केले व येत्या आठवड्यात गुंठेवारी अंतर्गत नियमितिकरण करण्यास सुरुवात होत आहे, ह्या निर्णयाचे मी स्वागत करतो व सकारात्मक भूमिका घेणाऱ्या प्रशासन व पदाधिकाऱ्यांचे अभिनंदन करतो असे भाजप प्रदेशाध्यक्ष आ. चंद्रकांतदादा पाटील म्हणाले.महाराष्ट्र गुंठेवारी विकास ( नियमाधीन करणे, श्रेणीवाढ व नियंत्रण ) अधिनियम 2001 ) व यात सुधारणा करण्यासाठी 15 मार्च 2021 रोजी राज्य सरकारने जारी केलेल्या अधिनियमातील काही मुद्द्यां बाबतीत राज्यातील विविध महापालिका प्रशासनाने काही स्पष्टीकरण / खुलासा राज्य सरकार कडून मिळावा असे पत्र लिहिले होते. पुणे मनपा ने देखील याबाबत राज्य सरकार कडून आदेश निर्गमित व्हावे यासाठी पत्रव्यवहार केला होता. या सर्व विषयात भाजप प्रदेशाध्यक्ष आ. चंद्रकांतदादा पाटील व प्रवक्ता संदीप खर्डेकर सातत्याने शासनाकडे व मनपा प्रशासनाकडे पाठपुरावा करत होते . दिनांक 18 ऑक्टोबर रोजी राज्य शासनाच्या नगर विकास खात्याने सुधारित अधिनियम निर्गमित केले व त्या आदेशानुसार गुंठेवारी पद्धतीने झालेला विकास नियमित करण्यासाठी सुधारित प्रशमन शुल्क व सुधारित विकास शुल्क निश्चित केला आहे. त्यामुळे त्वरित गुंठेवारी ची प्रकरणे दाखल करून घ्यावीत व शासनाच्या दिशानिर्देशानुसार गुंठेवारी नियमितिकरण आभावी त्रस्त नागरिकांना दिलासा द्यावा अशी भूमिका मा. चंद्रकांतदादा पाटील यांनी मांडली होती. ह्या सर्व विषयात पुणे मनपा स मोठ्या प्रमाणावर महसूल मिळणार असून विकासकामांसाठी अधिक निधी उपलब्ध होणार आहे.. तरी आता प्रशासनाने त्वरित प्रकरणे दाखल करून घेऊन छाननी करून नियमितिकरण करावे आणि सामान्यांना दिलासा देताना लालफितीशाहीत न अडकवता ठराविक मुदतीत हे नियमितिकरण करावे अशी सूचना देखील आ. चंद्रकांतदादा पाटील यांनी केली आहे.