मुंबई-शिवसेनाप्रमुख बाळासाहेब ठाकरे यांच्या जयंतीनिमित्त आज त्यांना शिवसेना पक्षप्रमुख उद्धव ठाकरेंसह कुटुंबियांनी मुंबईत अभिवादन केले. रिगल सिनेमाजवळील पुर्णाकृती पुतळ्याला पुष्पहार अर्पण करण्यात आला. तर मुख्यमंत्री एकनाथ शिंदे यांनीही शिवसेनाप्रमुखांना पुष्पहार अर्पण करून अभिवादन केले.शिवसेना पक्षप्रमुख उद्धव ठाकरे यांच्यासह रश्मी ठाकरे, आदित्य ठाकरे, तेजस ठाकरे यांची प्रमुख उपस्थिती होती. याशिवाय शिवसेना नेते संजय राऊत, सुभाष देसाई, अरविंद सावंत, अंबादास दानवे आदी नेत्यांची उपस्थिती होती. यावेळी ढोलताशांच्या निनादात व बाळासाहेबांच्या पुतळ्याला अभिवादन करण्यात आले. यावेळी सर्वांनी बाळासाहेब ठाकरे यांच्या गौरवार्थ घोषणाही दिल्या.बाळासाहेब ठाकरे यांचे स्मारक शिवाजीपार्क येथे आहे. परंतु आज ठाकरे कुटुंबियांनी रिगल सिनेमाजवळील पुर्णाकृती पुतळ्याचे दर्शन घेत पुष्पहारही अर्पण केला. यावेळी ढोल – ताशांचा गजराने वातावरण ढवळून निघाले.
About the author
