गोदरेज कन्स्ट्रक्शन आणि ‘त्वस्त‘ यांनी बांधकाम व स्थावर मालमत्ता क्षेत्राला पाठिंबा देणारा प्रवर्तक, स्वदेशी थ्रीडी कन्स्ट्रक्शन प्रिंटिंग तंत्रज्ञान प्लॅटफॉर्म प्रस्तुत करण्यासाठी एकमेकांसोबत काम करण्याचे ठरवले आहे.
~ या भागीदारीमार्फत या कंपन्यांनी मिळून एक अतिशय पर्यावरणानुकूल, शाश्वत आणि अशाप्रकारचे पहिले काँक्रीट मिश्रण तयार केले आहे ज्यामध्ये जवळपास ३०% रिसायकल्ड काँक्रीट ऍग्रीगेट्सचा समावेश आहे.
पुणे 20 जून, २०२२: गोदरेज समूहातील प्रमुख कंपनी गोदरेज अँड बॉयसने आपला व्यवसाय गोदरेज कन्स्ट्रक्शनने ‘त्वस्त‘ मॅन्युफॅक्चरिंग सोल्युशन्ससोबत भागीदारी केल्याची घोषणा केली आहे. ‘त्वस्त‘ हे आयआयटी मद्रासच्या माजी विद्यार्थ्यांनी सुरु केलेले स्वदेशी स्टार्ट-अप असून भारतात थ्रीडी कन्स्ट्रक्शन प्रिंटिंग (थ्रीडीसीपी) हे अभिनव तंत्रज्ञान आणून, व्यावसायिकदृष्ट्या त्याचा वापर करण्यासाठी ही भागीदारी करण्यात आली आहे. राष्ट्रीय पातळीवरील ‘आत्मनिर्भर भारत‘ अभियानाने प्रेरित होऊन, गोदरेज कन्स्ट्रक्शन व ‘त्वस्त‘ यांनी विविध पर्यावरणानुकूल पायाभूत सोयीसुविधा प्रकल्प, निवासी सुविधा, आपत्तीकाळातील मदतीसाठीच्या संरचना, राष्ट्रीय पातळीवरील संरक्षणसंबंधी ऍप्लिकेशन्स आणि भारत व जगभरातील इतर अनेक सार्वजनिक सुविधा यांच्या विकासासाठी या तंत्रज्ञानाचा सर्वात पहिल्यांदा वापर करण्याचे उद्दिष्ट डोळ्यासमोर ठेवून ही वाटचाल सुरु केली आहे.
तंत्रज्ञान क्षेत्रात सखोल कार्य करणारे स्टार्ट-अप ‘त्वस्त‘, चेन्नई व बंगलोरमध्ये स्थित असून त्यांनी हा स्वदेशी थ्रीडीसीपी तंत्रज्ञान प्लॅटफॉर्म विकसित केला आहे, ज्यामध्ये बांधकामाच्या पारंपरिक पद्धतींच्या तुलनेत अधिक जास्त वेगवान व अधिक पर्यावरणानुकूल प्रक्रियेसाठी ऑटोमेशन व रोबोटिक्सचा वापर केला जातो. या नवीन प्लॅटफॉर्मवर मॉड्युलर ऑफ-साईट बांधकाम तंत्रांचा वापर करण्याचा पर्याय देखील देण्यात आला आहे. या घटकांमुळे बांधकाम प्रकल्पांचे एकंदरीत कार्बन उत्सर्जन कमी होण्यात मदत होऊ शकते आणि साईटवर काम करणाऱ्या कामगारांना दुखापती होण्याच्या संभावना कमी होऊन सुरक्षेमध्ये देखील सुधारणा होते.
पर्यावरणानुकल आणि सर्वसमावेशक बस थांबा तयार करण्यासाठी थ्रीडीसीपी तंत्रज्ञानाचा वापर करून तयार करण्यात आलेले संकल्पनेची व्यवहार्यता दर्शवणारे प्रात्यक्षिक
भारतातील स्थावर मालमत्ता व पायाभूत सुविधा क्षेत्रांच्या वाढत्या गरजा पूर्ण करण्यासाठी गोदरेज कन्स्ट्रक्शन आणि ‘त्वस्त‘ ने एकत्र मिळून संकल्पनेची व्यवहार्यता दर्शवणारे एक प्रात्यक्षिक तयार केले आहे. (कृपया वर दिलेले चित्र पहा) या बस थांब्याचे थ्रीडी प्रिंटिंग अवघ्या ३२ तासात पूर्ण करून साईटवर ८ तासात असेम्बल करण्यात आले. बांधकाम उद्योगक्षेत्रात चक्राकार अर्थव्यवस्था तत्वांचा अवलंब करण्याला प्रोत्साहन देण्यासाठी गोदरेज कन्स्ट्रक्शनने ‘त्वस्त‘च्या सहयोगाने पहिले, अतिशय पर्यावरणानुकूल काँक्रीट मिश्रण डिझाईन तयार केले आहे ज्यामध्ये मुंबईतील विक्रोळी येथील गोदरेज रिसायकल्ड काँक्रीट प्लान्टमध्ये रिसायकल करण्यात आलेल्या काँक्रीट कचरा डेब्रिजमधून मिळवण्यात आलेले रिसायकल्ड काँक्रीट ऍग्रीगेट्स जवळपास ३०% प्रमाणात वापरण्यात आले आहे. या अनोख्या संरचनेचे फिजिकल डिझाईन अतिशय अनोखे आहे, या तंत्रज्ञानातून बांधकाम उद्योगक्षेत्राला प्रस्तुत केले जात असलेले सौंदर्यातील वैविध्यता, संरचनेतील लाभ आणि उत्कृष्ट क्षमता हे प्रदर्शित करण्यासाठी वक्ररेषांनी युक्त भौमितिक रचनांचा वापर यामध्ये करण्यात आला आहे. बस थांब्यावरील आणि त्यावरील कमर्शियल साईनेजेससाठी रात्रीच्या वेळी प्रकाशव्यवस्थेसाठी स्वतंत्र सोलर पॅनेल्ससह ऊर्जेची संपूर्ण बचत करण्यात सक्षम अशी याची रचना आहे. गोदरेज अँड बॉयसच्या ‘स्प्रिंट‘ या इंट्राप्रिन्युरियल इन्नोव्हेशन उपक्रमादरम्यान ही संकल्पना अस्तित्वात आली आणि विकसित करण्यास सुरुवात झाली.
भारतामध्ये थ्रीडी कन्स्ट्रक्शन प्रिंटिंग तंत्रज्ञान प्लॅटफॉर्मची सुरुवात करण्याबाबत गोदरेज कन्स्ट्रक्शनचे सिनियर व्हाईस प्रेसिडेंट व बिझनेस हेड श्री. अनुप मॅथ्यू म्हणाले, “भारतामध्ये विकसित करण्यात आलेल्या थ्रीडी कन्स्ट्रक्शन प्रिंटिंग तंत्रज्ञान स्वदेशी स्टार्ट-अपसोबत भागीदारी करताना आम्हाला अतिशय आनंद होत आहे. बांधकाम उद्योगक्षेत्रासाठी अभिनव व पर्यावरणपूरक पद्धतीने डिझाईन करण्यात आलेल्या ग्राहककेंद्री सुविधा पुरवण्यासाठी गोदरेज कन्स्ट्रक्शन वचनबद्ध आहे. हा पायलट प्रकल्प संयुक्तपणे विकसित केल्यामुळे आम्ही असे मानतो की, आमच्या हितधारकांच्या फायद्यासाठी या नव्या तंत्रज्ञानाचा वापर करण्याच्या आणि तो वाढवण्याच्या अनेक संधी उपलब्ध आहेत.
चक्राकार अर्थव्यवस्थेला प्रोत्साहन देण्यासाठी आम्ही संयुक्तपणे एक अभिनव काँक्रीट मिक्स-डिझाईन देखील विकसित केले आहे, ज्यामध्ये लक्षणीय प्रमाणात रिसायकल्ड काँक्रीट ऍग्रीगेट्सचा वापर करण्यात आला आहे. हा थ्रीडीसीपी तंत्रज्ञानामध्ये वापरल्या जाणाऱ्या कच्च्या मालाचा एक भाग आहे. या नव्याने विकसित करण्यात आलेल्या थ्रीडीसीपी काँक्रीट मिक्समध्ये तुलनेने कमी कार्बन असलेले बांधकाम साहित्य विकसित केले जाते आणि वापरले जाते ज्यामुळे आम्हाला अधिक पर्यावरणपूरक बांधकाम क्षेत्रासाठी अभिनव सुविधा डिझाईन व विकसित करण्यात मदत मिळू शकते.
जागतिक स्तरावर अद्यापही नवीन आणि विकासाच्या अगदी सुरुवातीच्या टप्प्यावर असलेल्या या थ्रीडीसीपी तंत्रज्ञानाच्या वापरासाठी सुयोग्य संधी शोधण्यासाठी उद्योगक्षेत्रातील प्रमुख हितधारकांना आमच्यासोबत जोडण्यासाठी आम्ही प्रयत्न करू.” गोदरेज अँड बॉयसचा व्यवसाय असलेल्या गोदरेज कन्स्ट्रक्शनची आर्थिक उलाढाल १००० कोटी रुपयांची असून, बांधकाम क्षेत्रातील सेवासुविधांमध्ये सातत्याने वाढ करण्याचे त्यांचे उद्दिष्ट आहे.
‘त्वस्त‘चे सह-संस्थापक व सीओओ श्री. विद्याशंकर सी म्हणाले, “गोदरेज कन्स्ट्रक्शनसारख्या बांधकाम साहित्य क्षेत्रातील प्रवर्तक आणि नव्या विचारांचे नेतृत्व करणाऱ्या कंपनीसोबत भागीदारी करताना आम्हाला अतिशय आनंद होत आहे. आम्हाला आशा आहे की या भागीदारीमुळे आमच्या तंत्रज्ञान प्लॅटफॉर्मची वेगाने वृद्धी होण्यात मदत मिळेल. देशातील अनेक वेगवेगळ्या युज केसेसना त्वस्तकडून ज्या विविध प्रकारच्या बांधकाम सुविधा पुरवल्या जातात त्यामध्ये नक्कीच वाढ होईल.”
