रस्त्यांची कामे दर्जेदार व विहित वेळेत पूर्ण करा – मंत्री अशोक चव्हाण

नांदेड जिल्ह्यातील मंजूर व प्रगती पथावरील, प्रलंबित, प्रस्तावित नवीन कामांचा आढावा बैठक पालकमंत्री अशोक चव्हाण यांच्या अध्यक्षतेखाली डॉ. शंकरराव चव्हाण जिल्हा नियोजन सभागृहात संपन्न झाली, त्यावेळी ते बोलत होते.

बैठकीस जिल्हाधिकारी डॉ. विपीन इटनकर, बांधकाम विभागाचे अधीक्षक अभियंता अविनाश धोंडगे, जिल्हा परिषदेचे प्रभारी मुख्य कार्यकारी अधिकारी शरद कुलकर्णी, अपर जिल्हाधिकारी खुशालसिंह परदेशी तसेच जिल्ह्यातील कार्यकारी अभियंता, कंत्राटदार यांची यावेळी उपस्थिती होती.

पालकमंत्री अशोक चव्हाण यांनी जिल्ह्यातील पूल पूर्ण करण्यासाठी आवश्यक निधी व त्याची यादी सादर करण्याबाबत निर्देश दिले. राष्ट्रीय महामार्गाचा कामाचा आढावा घेऊन कोल्हार ते नरसापुर 57 कि.मी. काम वीस टक्के झाले असून मुदत संपून एक वर्ष झाले तरी ती कामे अपूर्ण आहेत सदर कामे तात्काळ पूर्ण करावीत. वसमत ते नांदेड 30 किमी पैकी 14 किमी रस्त्याचे काम 50 टक्के झाले आहे. नांदेड-बारड-भोकर-म्हैसा रस्त्याचे काम सुरू असून बारसगाव ते राहटीपर्यंतचे काम लॉकडाऊनमुळे प्रलंबित आहे. रस्ता कामासाठी डांबरचे प्रमाण कमी होते ते निदर्शनास आणून देणे आवश्यक होते त्यावर जिल्हाधिकाऱ्यांनी कार्यवाही करावी, असे पालकमंत्री अशोक चव्हाण यांनी यावेळी सांगितले.

भोकर ते राहाटी पर्यंतचे काम पूर्ण करावे. त्यापुढील काम महाराष्ट्र राज्य रस्ते विकास प्राधिकरण यांच्याकडे देण्यात यावे. यासाठी मुख्य अभियंता सार्वजनिक बांधकाम यांच्याशी चर्चा करावी. उपविभागीय अधिकारी भोकर यांच्याशीही समन्वय ठेवून तीन कामांच्या मोजण्याचे काम पूर्ण करावे. नांदेड ते जळकोट रस्त्याचे कामाच्या मोबदला देण्यासंदर्भात शेतकऱ्यांनी कामे अडवले असून तीन कामे रस्त्याची शिल्लक आहेत. या कामांची सविस्तर माहिती सादर करावी. लखमापुर चार पॉईंट 50 किमीचे काम परमिट आहे, तेव्हा या कामासंदर्भात जिल्हाधिकारी यांच्या स्तरावर प्रलंबित कामांचा आढावा घ्यावा. नांदेड-वारंगा बायपास रस्ता 30 मीटर शासकीय जमीन आहे, परंतू रस्ता करण्यास विरोध होत असल्यास रस्त्याचे काम पोलीस संरक्षणात सुरू करण्याचे निर्देश पालकमंत्री अशोक चव्हाण यांनी यावेळी दिले.