पुणे- येथील प्रसिद्ध पाषाणकर उद्योग समूहाचे प्रमुख गौतम पाषाणकर अखेर सापडले आहेत. तब्बल एक महिन्यानंतर त्यांचा शोध लावण्यात पोलिसांना यश आलं आहे. २१ ऑक्टोबरला गौतम पाषाणकर अचानक बेपत्ता झाले होते. कुटुंबीयांच्या तक्रारीनंतर तपास सुरू असताना गौतम पाषाणकर यांची सुसाईड नोट समोर आली होती. सुसाईड नोटमध्ये त्यांनी व्यवसायातील आर्थिक नुकसानामुळे आत्महत्या करत असल्याचं म्हटलं होतं. यानंतर शहरातील उद्योजक क्षेत्रात एकच खळबळ उडाली होती.जयपूर येथे गौतम पाषणाकर सापडले आहेत. गौतम पाषाणकर बेपत्ता झाल्यानंतर कुटुंबाने तक्रार दाखल केली होती. तेव्हापासून युनिट १ या प्रकरणाचा तपास करत होते. पोलीस निरीक्षक ताकवले यांना गौतम पाषाणकर राज्याबाहेर गेले असावेत अशी माहिती त्यांच्या सूत्रांकडून मिळाली होती. त्यादृष्टीने तपास सुरु होता. मंगळवारी दुपारी ३ वाजण्याच्या सुमारास जयपूर येथील एका हॉटेलमध्ये गौतम पाषाणकर असल्याची माहित युनिट १ क्राइम ब्रांचला मिळाली. सध्या त्यांना पुण्यात परत आणण्याची प्रक्रिया सुरु आहे.
पुण्यातील प्रसिद्ध व्यवसायिक गौतम पाषाणकर अखेर जयपूर येथील हॉटेलमध्ये सापडले
Date:

