मुंबई, दि. 20 :- दिव्यांग व्यक्तींमध्ये अंत्योदय योजनेची माहिती व जनजागृती करण्याच्या हेतूने दिव्यांग कल्याण आयुक्तालय, पुणे यांच्यामार्फत मोफत वेबिनार आयोजित करण्यात येत आहे. त्यानुसार दि. 21 ऑक्टोबर 2020 रोजी दुपारी 2.00 वाजता अंत्योदय योजना, सार्वजनिक वितरण प्रणाली योजना व दिव्यांग व्यक्ती याबाबत अधिक माहिती देण्याकरिता कैलास पगारे, भा.प्र.से. यांना आमंत्रित करण्यात आले आहे.
या मोफत वेबिनारचा लाभ घेण्याकरिता https://youtu.be/9djIARbskuM या लिंकचा वापर करावा. तसेच यापूर्वी दिव्यांग कल्याण आयुक्तालय, पुणे यांच्यामार्फत आतापर्यंत घेण्यात आलेल्या वेबिनारचा लाभ घेण्याकरिता दिव्यांग कल्याण आयुक्तालय यांच्या यूट्यूब चॅनलला भेट द्यावी.
