पुणे-माजी गृहराज्यमंत्री आणि काँग्रेसचे शहराध्यक्ष,पुणे रमेश बागवे (Pune Congress President Ramesh Bagwe) यांच्या कारचा दरवाजा बनावट चावीने उघडून त्यातील एक लाख रुपयांचे रिव्हॉल्व्हर अज्ञात चोरट्याने (Revolver Theft) चोरुन (Pune Crime) नेले.यामुळे राजकीय वर्तुळात प्रचंड खळबळ उडाली आहे.पुणे कॅणटोंमेंट विधानसभा मतदार संघाचे बागवे हे माजी आमदार आहेत . अगदी थोड्या मतांनी गेल्या निवडणुकीत त्यांचा पराभव झाला मात्र या मतदार संघासह पुण्यात कॉंग्रेसचे नेते आणि महाराष्ट्रातही मातंग समाजाचे वरिष्ठ नेते म्हणून ते परिचित आहेत .
याप्रकरणी रमेश बागवे (Ramesh Bagwe) यांनी खडक पोलीस (Khadak Police Station) ठाण्यात फिर्याद दिली आहे. लोहियानगर, गंज पेठ (Lohiyanagar, Ganj Peth) ते भवानी पेठेतील (Bhawani Peth) अरुणकुमार वैदय स्टेडियम (Arunkumar Vaidya Stadium Pune) दरम्यान हा चोरीचा प्रकार घडला आहे. नेमका चोरीचा हा प्रकार कसा घडला, याबाबत बागवे यांना समजू शकलेले नाही. त्यांनी आपले रिव्हॉल्व्हर (Revolver) कारमधील ड्रायव्हर सीटचे शेजारील सीटच्या मागील कप्प्यामध्ये ठेवले होते. चोरट्याने बागवे यांच्या कारची बनावट चावी तयार करुन किंवा कारचा दरवाजा उघडून कारमधील सीटमागील कप्प्यात ठेवलेले 1 लाख रुपयांचे रिव्हॉल्व्हर चोरुन (Pune Crime) नेले. खडक पोलीस अधिक तपास करीत आहेत.
माजी गृह राज्यमंत्री बागवे यांच्या कारमधून रिव्हॉल्व्हर चोरीला गेल्यामुळे प्रचंड खळबळ उडाली आहे.याबाबत पोलिस दप्तरी नोंद करण्यात आली असून पोलिस प्रकरणाचा तपास करत आहेत.
