मुंबई-राज्यातील 5 मतदारसंघातील विधानपरिषदेच्या 6 जागांवर राज्य निवडणूक आयोगाने निवडणूक जाहीर केली आहे. निवडणूकीचे वेळापत्रक जाहीर करण्यात आले असून एकूण 8 विधानपरिषद आमदारांचा कार्यकाळ संपत आला आहे. यामध्ये शिवसेना नेते आणि विधानपरिषदेचे आमदार रामदास कदम, काँग्रेस नेते भाई जगताप यांचाही समावेश आहे.
निवडणूक आयोगाने विधानपरिषद निवडणुकीचा कार्यक्रम जाहीर केला आहे. त्यानुसार 6 जागांसाठी 10 डिसेंबरला मतदान होणार आहे. तर या जागांचा निकाल 14 डिसेंबरला जाहीर होईल.
यामध्ये मुंबईतील दोन जागा आहेत. तर कोल्हापूर, धुळे, अकोला आणि नागपूर या मतदारसंघात निवडणूक होणार आहे. विधानपरिषद सदस्यांची मुदत संपत आली असल्यामुळे या निवडणुका घेण्यात येत आहे. 6 जागांवरील सर्व सदस्यांची विधानपरिषदेवरील मुदत ही 1 जानेवारी 2022 रोजी संपणार आहे.
विधानपरिषदेची मुदत डिसेंबरमध्ये संपणाऱ्या नेत्यांमध्ये मुंबईतून शिवसेना नेते रामदास कदम, काँग्रेसचे भाई जगताप, काँग्रेसचे नेते सतेज पाटील, भाजपचे अमरिश पटेल, शिवसेनेचे गोपी किशन बाजोरिया, गिरीश व्यास, भाजपचे प्रशांत परिचारक, अरुण जगताप या नेत्यांचा समावेश आहे.
खाली दिलेल्या तपशिलानुसार महाराष्ट्र विधान परिषदेच्या 07 स्थानिक शासन संस्थांच्या मतदारसंघातील 08 विद्यमान सदस्यांचा कार्यकाळ 01.01.2022 रोजी समाप्त होत आहे:
महाराष्ट्र
| अ.क्र. | स्थानिक स्थानिक शासन संस्थांच्या मतदारसंघाचे नाव | जागांची संख्या | निवृत्त होणाऱ्या सदस्याचे नाव | सेवानिवृत्तीची तारीख |
| 1. | मुंबई | 02 | कदम रामदास गंगाराम | 01.01.2022 |
| अशोक अर्जुनराव उर्फ भाई जगताप | ||||
| 2. | कोल्हापूर | 01 | पाटील सतेज उर्फ बंटी डी. | 01.01.2022 |
| 3. | धुळे-सह-नंदुरबार | 01 | अमरीशभाई रसिकलाल पटेल | 01.01.2022 |
| 4. | अकोला-सह-बुलढाणा-सह-वाशीम | 01 | गोपीकिसन राधाकिसन बाजोरिया | 01.01.2022 |
| 5. | नागपूर | 01 | व्यास गिरीशचंद्र बच्छराज | 01.01.2022 |
| 6. | सोलापूर | 01 | प्रशांत प्रभाकर परिचारक | 01.01.2022 |
| 7. | अहमदनगर | 01 | अरुणकाका बलभीमराव जगताप | 01.01.2022 |
