बारामती:- येथील कै.रामचंद्र भिसे (गुरुजी ) वैद्यकिय प्रतिष्ठान च्या वतीने जनसेवा हिच ईश्वरसेवा या उद्देशाने प्रेरीत देहू ते पंढरपूर पालखी मार्गावर आषाढी वारीत संत तुकाराम महाराज 333 व्या पालखी सोहळयातील वारकऱ्यांसाठी श्रीमती सोनियाजी राजीवजी गांधी फिरता मोफत दखाखाना ही सुविद्या उपलब्ध करुन दिली जाणार आहे. अशी माहिती संस्थेचे अध्यक्ष डॉ.विजय रामचंद्र भिसे यांनी दिली आहे.
दि.5 जुलै 2018रोजी संत तुकाराम महाराज पालखीचे प्रस्थान देहूतून होणार आहे.या पालखी सोहळयातील वारकऱ्यांसाठी मोफत आरोग्य तपासणी व औषधोपचार करण्यात येणार असुन यावर्षी रुग्णवाहिका सेवा ही पुरविण्यात येणार आहे. त्याचबरोबर पालखी मार्गावर मोफत तपासणी व औषधोपचार करणाऱ्यां संस्थांना ही औषधांची मदत केली जाणार आहे.या जनसेवेच्या उपक्रमात ज्या दानशूर व्यक्तिंना औषधीदान करुन सहभागी व्हायचे असेल त्यांनी डॉ.विजय भिसे यांचेशी भ्रमणध्वनी . क्रं.9325330624 या क्रंमांकावर संपर्क साधावा असे आवाहन करण्यात येत आहे.
कै.रामचंद्र भिसे (गुरुजी ) वैद्यकिय प्रतिष्ठानचे या जनसेवेच्या उपक्रमाचे हे अखंड 20 वे वर्ष असुन या उपक्रमातील पथकात डॉ.अप्पा आटोळे व डॉ.योगेश पाटील (लासुर्णे) राजेंद्र गायकवाड हे मदतनीस सहभागी होणार आहेत अशी माहिती संस्थेचे अध्यक्ष डॉ.विजय भिसे यांनी दिली आहे.
