वॉशिंग्टन: वादग्रस्त निर्णय आणि वक्तव्यांमुळे नेहमी चर्चेत राहणारे अमेरिकेचे अध्यक्ष डोनाल्ड ट्रम्प यांनी पुन्हा एकदा खळबळजनक वक्तव्य केले आहे. ट्रम्प यांनी यावेळी थेट धमकीच दिली आहे. ट्रम्प यांनी तुर्कस्तानला धमकी दिली आहे तुर्कीने जर सीरियाप्रकरणी मर्यादांचे उल्लघन गेले तर तुमची अर्थव्यवस्था नष्ट करेन. याआधी ट्रम्प यांनी तुर्कीच्या सीमेवरून अमेरिकेचे सैन्य हटवले होते. तुर्कीमधील सध्याच्या परिस्थितीचा सामना त्यांनाच करावा लागेल असे ट्रम्प यांनी म्हटले होते.
तुर्कस्तानाला धमकी देताना ट्रम्प यांनी एक ट्विट केले आहे. ते म्हणतात, मी याआधीही स्पष्ट केले आहे आणि पुन्हा एकदा सांगतो की तुर्कीने असे काही केले जे माझ्या दृष्टीने मर्यादांचे उल्लंघन ठरणारे असेल तर मी अर्थव्यवस्था नष्ट करून टाकेन.
काय आहे तुर्क विरुद्ध कुर्द संघर्ष
कुर्द लोकांनी ISISविरुद्धच्या दहशतवाद्यांविरुद्ध अमेरिकेची मदत केली होती. पण तुर्की त्यांना दहशतवादी असल्याचे मानतात. तुर्कीत असलेल्या दहशतवादी संघटनांना कुर्दांची मदत असते. यामुळेच कुर्द लोकांविरुद्ध तुर्कीने युद्धाची तयारी केली आहे. आता सीरियाच्या सीमेवरून अमेरिकेने सैन्य हटवल्यामुळे तुर्क आणि कुर्द यांच्यात थेट संघर्ष होण्याची शक्यता आहे
