दोन दिवसात 2 लाख 10 हजार 208 कुटुंबाना धान्यवाटप -विभागीय आयुक्त डॉ. दीपक म्हैसेकर

पुणे, दि.2: पुणे विभागात 1 एप्रिल पासून आजपर्यंत 2 लाख 10 हजार 208 कुटुंबाना धान्यवाटप करण्यात आले आहेत. त्याचे प्रमाण एकूण शिधापत्रिकेच्या जवजवळ 10 टक्के आहे. नागरिकांनी राशन घेतांना सोशल डिस्टन्सींग ठेवूनच राशन घ्यावेत, असे आवाहन विभागीय आयुक्त डॉ. दीपक म्हैसेकर यांनी आज केले आहे.
डॉ. म्हैसेकर म्हणाले, पुणे विभागात भाजीपाल्याची आवक 15 हजार 188 क्विटंल, फळांची 3 हजार 261 क्विंटल तसेच कांदा बटाटयाची 16 हजार 389 क्विंटल आवक झाली आहे. तसेच दुधाचे विभागात 85 लाख लिटर संकलन झाले असून 24 लाख लिटर पॅकेटिंगच्या स्वरुपात वितरण करण्यात आले आहे. विभागात अन्नधान्य, दुध आणि किराणा वितरणात काही अडचण असल्यास संबंधित जिल्ह्यातील जिल्हा पुरवठा अधिकाऱ्यांशी संपर्क साधण्याचे आवाहनही डॉ म्हैसेकर यांनी केले आहे.
पुणे विभागातील कोरोना सदृश्य परिस्थीतीत आपले दवाखाने सुरु ठेवावेत व आपल्या दवाखान्याकडे येणा-या रुग्णांना (SARI) सर्दी, खोकला, घसादुखी या आजाराची लक्षणे असल्यास त्यांना कै.द्रौपदाबाई मुरलीधर खेडेकर हॉस्पिटल, बोपोडी कार्यन्वित करण्यात आले असून येथे पाठविण्याची व्यवस्था करावी, असे आवाहनही डॉ. म्हैसेकर यांनी सर्व खाजगी वैदयकीय व्यावसायिकांना केले आहे.
**