पुणे दि. 20 : पुणे शहर परिसरात महामेट्रोच्या माध्यमातून सुरू असणाऱ्या कामाच्या प्रगतीचा आढावा विभागीय आयुक्त डॉ. दीपक म्हैसेकर यांनी आज घेतला. काम वेगाने करण्याबरोबरच ग्रीन ट्रीब्युनलने घालून दिलेल्या पर्यावरणाच्या निकषांनुसार काम करण्याच्या सूचना त्यांनी महामेट्रोच्या अधिकाऱ्यांना दिल्या.
येथील विभागीय आयुक्त कार्यालयाच्या सभागृहात नॅशनल ग्रीन ट्रिब्युनल प्रिन्सिपल बॅच नवी दिल्ली, यांच्या आदेशान्वये मेट्रो प्रकल्पामुळे होणाऱ्या पर्यावरणीय, जलप्रदुषण, जैव विविधता व जलविज्ञान या बाबींवर सनियंत्रण ठेवण्यासाठी स्थापन करण्यात आलेल्या समितीची आढावा बैठक विभागीय आयुक्त डॉ. दीपक म्हैसेकर यांच्या अध्यक्षतेखाली पार पडली. या बैठकीला महामेट्रोचे कार्यकारी संचालक रामनाथ, निरी संस्थेचे डॉ. रितेश विजय, जलसंपदा विभागाचे अधिकारी पी. के. शेलार, विभागीय आयुक्त कार्यालयाचे नगर प्रशासन विभागाचे उपसंचालक प्रशांत खांडकेकर, जैवविविधता तज्ज्ञ डॉ. बेनाईमीन, महाराष्ट्र प्रदुषण नियंत्रण महामंडळाच्या अधिकारी एस. डी. जाधव, पर्यावरण प्रेमी सारंग यादवाडकर, ॲङ श्रीजा चक्रवर्ती, ॲङ मैत्रेया घोरपडे उपस्थित होते.
या बैठकीत महामेट्रो प्रकल्पामुळे होणाऱ्या पर्यावरणीय व जलप्रदुषण बाबींचा आढावा घेण्यात आला. यावेळी उपस्थित असणाऱ्या पर्यावरण प्रेमींच्या हरकती ऐकून घेण्यात आल्या. तसेच पर्यावरणाचे सर्व निकष व नियम पाळून महामेट्रोचे काम वेगाने करण्याच्या सूचना त्यांनी संबंधित अधिकाऱ्यांना दिल्या.
या बैठकीला महामेट्रो, जलसंपदा विभाग, प्रदुषण नियंत्रण महामंडळ, पर्यावरण तज्ज्ञ, पुणे महानगरपालिकेचे अधिकारी, पर्यावरण प्रेमी उपस्थित होते.
मेट्रोच्या कामकाजाचा विभागीय आयुक्तांनी घेतला आढावा
Date:
More like thisRelated
एलईडी चित्ररथाच्या माध्यमातून समाज कल्याण विभागाच्या योजनांचा जागर
पुणे दि. १३: समाज कल्याण विभागाच्या विविध योजनांची माहिती...
घरगुती गॅस सिलेंडर मधुन गॅस चोरी करून कमर्शियल सिलेंडर भरून ते विकणारे लोणीकाळभोर पोलिसांनी पकडले
पुणे- घरगुती गॅस सिलेंडर मधुन गॅस चोरी करून कमर्शियल...
बंदिशींद्वारे भारतीय स्त्री शक्तीचा सन्मान
भक्तिसुधा फाऊंडेशनच्या वतीने उर्जा' : सन्मान भारतीय स्त्री आदर्शांचा...