पुणे, दि. 19 : पुणे जिल्ह्यातील सर्व माजी सैनिक व माजी सैनिकांच्या विधवांनी ज्यांचे पाल्य सन 2016-2017 मध्ये 60 टक्के किंवा त्यापेक्षा जास्त गुण मिळवून इ. 10 वी, 12 वी व पदवी परीक्षा उत्तीर्ण होऊन पुढील शिक्षण घेत आहेत. सर्व माजी सैनिक व माजी सैनिकांच्या विधवांच्या पाल्यांना जिल्हा सैनिक कल्याण कार्यालयामार्फत शिष्यवृत्तीचे वाटप करण्यात येणार आहे. शिष्यवृत्तीचे अर्ज जिल्हा सैनिक कल्याण कार्यालयात उपलब्ध असून संबंधीतांनी त्यांच्या पाल्यांचे अर्ज दि.15 ऑक्टोबर 2017 पूर्वी आवश्यक त्या कागदपत्रासह जिल्हा सैनिक कल्याण कार्यालयात सादर करावे, अशी माहिती पुणे जिल्हा सैनिक कल्याण अधिकारी माजी मेजर मिलिंद तुंगार यांनी दिली आहे.
