पुणे जिल्हा परिषदेच्या वतीने कोरोना विषाणू प्रतिबंधात्मक उपाय

पुणे जिल्हा परिषदेच्या वतीने कोरोना विषाणू प्रतिबंधात्मक उपाययोजनांतर्गत खालील उपाययोजना करण्यात आल्या आहेत.
१) मेसेज:
कोरोना विषाणू प्रतिबंधात्मक उपाययोजनांतर्गत नवीन मेसेज तयार करून डायरेक्टर ऑफ ऍडमिनिस्ट्रेशन आयटीएस यांच्याद्वारे सर्व मोबाईल कंपन्यांना दिनांक १७/३/२०२० रोजी कळविण्यात आले आहेत. त्या अनुषगाने आतापर्यंत बीएसएनएल यांनी ३५ लाख: आयडिया ३२ लाख, वोडाफोन ३८ लाख लोकांना मेसेजस पाठवले असून एअरटेल बाबतचा अहवाल अद्याप अप्राप्त आहे.
२) व्हाट्सएप्प ग्रुप:
कोरोना विषाणू प्रतिबंधात्मक उपाययोजना अंतर्गत व्हॉट्स अप ग्रुप मध्ये प्रतिबंधात्मक उपाययोजनांबाबत नवीन मेसेजेस तयार करून पाठवण्यात येत आहेत. तसेच वर्तमानपत्रातील कात्रणे, व्हिडीओ क्लिप पाठवण्यात येत आहेत. एकुण २४८ ग्रूपमध्ये पाठवण्यात आले असून या ग्रुपमधील सभासदांची संख्या अंदाजे सव्वा लाखाच्या दरम्यान आहे. याशिवाय शासकीय पत्रके/परिपत्रके वेळोवेळी अपडेट करण्यात येत आहेत.
३) जिंगल:
कोरोना विषाणू प्रतिबंधात्मक उपाययोजनाबाबत एकूण दहा जिंगल तयार करून ४ रेडिओ चॅनलवर ९४.३ रेड एफ एम यांच्याकडे प्रतिदिन १२ ते १५ वेळा वाजवण्यासाठी पाठविण्यात आले आहेत. तसेच या जिंगल्स व्हाट्सअप ग्रुपवर पाठवण्यात आल्या आहेत. त्याचप्रमाणे या जिंगल टोलनाका,  रेल्वे स्टेशन, बस स्टेशन याठिकाणी वाजवण्यासाठी देण्यात आले आहेत.
४) पोस्टर बॅनर :
कोरोना विषाणू प्रतिबंधात्मक उपाययोजनेबाबत प्रत्येक ग्रामपंचायतीला जिल्हास्तरावरून पोस्टर डिझाईन तयार करून दिले आहेत व हे पोस्टर्स वेगवेगळ्या मोक्याच्या ठिकाणी लावण्याच्या सूचना दिल्या आहेत. प्रत्येक ग्रामपंचायतमध्ये किमान पाच ठिकाणी असे एकूण १४ हजार ४३६ पोस्टर लावण्यात आले आहेत. सदरचे GEO tagged केलेले पोस्टर्स फेसबुक पेजवर अपलोड करून घेण्यात येत आहेत. तसेच हे पोस्टर्स बसच्या पाठीमागे, रेल्वे स्टेशन व अन्य महत्त्वाच्या ठिकाणी लावण्याबाबत सूचना देण्यात आल्या आहेत.
५) वेबसाईट:
जिल्हा परिषदेच्या वेबसाईटवर कोरोना विषाणू प्रतिबंधात्मक उपाययोजनाबाबत शासन परिपत्रके, व्हिडिओ क्लिप्स , फोटो अपलोड करण्यात आले आहेत. तसेच या वेबसाईटवर वेळोवेळी माहिती अपडेट करण्यात येत आहे.
६) फेसबुक:
कोरोना विषाणू प्रतिबंधात्मक उपाययोजनाकरिता जिल्हा परिषदेने नवीन फेसबुक पेज तयार केले असून त्याचे नाव Pune Fight Coronavirus coviD 2019 असे आहे. त्यावर कोरोना विषाणू प्रतिबंधात्मक उपाययोजनाबाबत दिलेल्या मेसेजेस नेटवर्कमध्ये BOOST करण्यात आलेले आहेत. यामध्ये वेळोवेळी अपडेट करण्यात येत आहेत. आतापर्यंत फेसबुकच्या माध्यमातून एकुण ३ लाख ५० हजार लोकांपर्यंत पोहोचलो आहोत.
७) ट्विटर :
जिल्हा परिषदेचे स्वतंत्र ट्विटर अकाउंट CEO ZP PUNE या नावाने असून जिल्हा परिषदेतील महत्वाच्या बातम्या राज्यशासनाच्या महत्वाच्या बातम्या यावर ट्विट करत आहोत. त्याचप्रमाणे जिल्हाधिकारी कार्यालय, पुणे, DivisionalInformation Office, pune, Directorate General of Information and Public Relations (DGIPR), Maharashtra, Pune Municipal Corporation, Commissioner of Police, Pune City:, Chief Minister of Maharashtra; Prime Minister of India, Ministry of Health & Family welfare, Government of India; President of India,  ट्विटर अकाउंट मधील बातम्या वेळोवेळी रीट्वीट करण्यात येत आहेत. आत्तापर्यंत २ लक्ष ९८ हजार लोकांपर्यंत पोहोचलेलो आहोत.- राजेंद्र सरग, जिल्हा माहिती अधिकारी, पुणे