मुंबई-मुख्यमंत्री एकनाथ शिंदे यांना जिवे मारण्याची धमकी आल्याची माहिती सूत्रांनी दिली होती. गुप्तचर विभागाला याबाबत माहिती मिळाल्याचं सूत्रांनी सांगितलं होतं. एकनाथ शिंदे यांना एका महिन्यापूर्वी धमकीचं फोन आणि धमकीचं पत्र आल्याची माहिती सूत्रांनी दिली होती. धमकीसंदर्भातील बातम्या प्रसिद्ध झाल्यानंतर महाराष्ट्र पोलिसांकडून मुख्यमंत्र्यांच्या निवासस्थानाची सुरक्षा वाढवण्यात आली आहे. मुख्यमंत्री एकनाथ शिंदे यांना स्फोट उडवून जिवे मारण्याची धमकी आल्याचं समोर आलं होतं. एकनाथ शिंदे यांनी यावर बोलताना, मला असे अनेक फोन आले आहेत. माझ्यावर धमक्यांचा परिणाम होत नाही. मी शेवटी जनतेमधला माणूस असून जनतेत जाण्यापासून मला कोणीही रोखवू शकत नाही. पोलिस, गृहविभाग योग्य ती खबरदारी घेत आहे. कायदा सुव्यवस्था राखण्यासाठी उपमुख्यमंत्री सक्षम आहेत. असे कुणाला वाटले तरी कुणीही काही करू शकत नाही असे धाडस देखील त्यांनी करण्याचा प्रयत्न करू नये. अशी प्रतिक्रिया मुख्यमंत्री एकनाथ शिंदे यांनी दिली आहे. ते आज मुंबईत पत्रकारांशी बोलत होते.
मुख्यमंत्री एकनाथ शिंदे यांनी जीवे मारण्याची धमकी देण्यात आली आहे. शिंदेंना आत्मघातकी स्फोट घडवून जीवे मारण्याचाही कट रचण्यात आल्याचीही माहिती गुप्तचर विभागाला मिळाली आहे. महिनाभरापूर्वीच मुख्यमंत्री एकनाथ शिंदे यांना जीवे मारण्याचे पत्र मंत्रालयात त्यांच्या कार्यालयात आले होते. त्यानंतर एक निनावी फोन देखील धमकीचा आला होता. पोलिस सतर्क झाले असून या संबंधी तपास सुरू आहे. यापूर्वी नगरविकास मंत्री असताना माओवाद्यांनी त्यांना जीवे मारण्याची धमकी दिली होती.
