पुणे-वाजत गाजत नाचत आणि जल्लोषात दही हंडी फोडण्याचा उत्सव एकीकडे शहरभर होत असताना दुसरीकडे दहीहंडीचा खर्च टाळून वस्तीतील जळीतग्रस्तांना भांडीकुंडी व एक महिन्याचे किराणा माल आणि अन्य जीवनावश्यक साहित्य मदत म्हणून देण्याचा उपक्रम गणेश शेरला नावाच्या भाजपा कार्यकर्त्याने राबविला
स्व. मीनाताई ठाकरे वसाहतीमध्ये प्रमिला किशोर बाबुळकर यांच्या घराचे आग लागून आर्थिक नुकसान झाले होते. या जळीतग्रस्तांना मंडळाने मदत करण्याचे विचार करून सर्वांनी एकत्र येत गणेश शेरला यांच्या मदतीने एक महिन्याचे राशन (धान्य किट) , आवश्यक भांडीकुंडी अशी बाबुळकर कुटुंबाला मदत केली.एकता तरुण मित्र मंडळाने याबाबत विचार करून दहीहंडी उत्सव साधेपणाने साजरा करण्याचे निश्चित केले आणि वस्तीतील जळीतग्रस्तांना मदत केली. या मदत कार्यात सामाजिक कार्यकर्ते संतोषभैय्या मोरे, सावरकर नगर कार्यवाह राहुल लोंढे, हरीष पुटगे, नितीन गायकवाड,विशाल सांळुखे,अनवर उर्फ पापा शेख,महेश सांळुके,अमोल अरकल सह सहकाऱ्यांनी मदत केली