पुणे-डेक्कन एज्युकेशन सोसायटीच्या डी. ई. एस. प्रायमरी स्कूलमध्ये वार्षिक स्नेहसंमेलनाचे आयोजन करण्यात आले होते. लहान मुलांचे विश्व, महाराष्ट्राची संत परंपरा, बाळकृष्ण लीला, पाणी हेच जीवन, वर्ल्ड टूर या विषयांवरील संगीत, नृत्य आणि नाटकांचे विद्यार्थ्यांनी सादरीकरण केले. संस्थेचे अध्यक्ष डॉ. शरद कुंटे अध्यक्षस्थानी होते. संस्कार भारतीच्या पश्चिम प्रांताचे महामंत्री सतीश कुलकर्णी, एस. पी. एम. स्कूलच्या मुख्याध्यापिका रेवा कुलकर्णी यांची प्रमुख उपस्थिती होती. मुख्याध्यापिका स्मिता कुलकर्णी यांच्या मार्गदर्शनाखाली पर्यवेक्षिका ग्रेसी डिसोजा आणि सिमरन गुजर यांनी संयोजन केले.