मुंबई -राष्ट्रवादीचे सर्वेसर्वा शरद पवार यांच्या मुंबईतील सिल्लर ओक या बंगल्यावर संतप्त आंदोलकांच्या जमावाने अचानक हल्लाबोल केला. शरद पवार हाय -हाय अशा घोषणा देत हा जमाव घराच्या दिशेने चालून आला. त्यांनी चपला, दगड घरावर भिरकावल्या असून या घटनेनंतर राष्ट्रवादीच्या नेत्या आणि खासदार सुप्रिया सुळे यांनी घराकडे धाव घेत आंदोलकांशी प्रत्यक्ष चर्चा करण्याची तयारी दर्शिवली आहे. हा प्रकार आज दुपारी तीनपासून सुरू आहे.
आंदोलकांनी जवळपास पाच महिने झाले तरीही शासनाने आमच्या एसटी कर्मचाऱ्यांच्या रास्त मागण्या अद्याप पुर्ण झाल्या नाही. महाविकास आघाडी सरकारच्या चोरांचे चाणक्य शरद पवार आमच्याकडे बघायला तयार नाही. आमच्या कर्मचाऱ्यांनी आत्महत्या केल्या. त्यांच्या मृत्यूला शरद पवार जबाबदार आहेत , अजित पवारही जबाबदार आहेत. एसटी कर्मचारी शहिद झाले आहेत.
शरद पवारांना जोपर्यंत आम्ही शांत तोपर्यंत शांत जेव्हा गांधिगीरी सोडली तेव्हा मात्र आम्ही शरद पवारांना पळता भुई करावे लागेल. निवासस्थानात घूसून हे आंदोलक शरद पवारांविरोधात संतप्त झाले आहेत.
एसटी कर्मचाऱ्यांकडून चपलांचा वर्षाव
एसटी कर्मचारी संतप्त झाले अचानक पवारांच्या बंगल्यात घुसून त्यांनी पवारांच्या घरावर चपलांचा वर्षाव केला, दगडफेकही केली. भारत माता की जय, वंदे मातरम् अशा घोषणा आंदोलकांनी दिल्या आहेत. या घटनेनंतर पोलिस लगेचच घटनास्थळी पोहचले असून ते आंदोलकांना समजावत आहेत.
हात जोडून विनंती तुम्ही शांत रहा मी चर्चेस तयार – सुप्रिया सुळे
माझे आई, वडील घरात आहेत. त्यांची स्थिती काय आहे हे मला बघु द्या मी दोनच मिनिटांत त्यांना बघून तुमच्याशी चर्चा करते अशी विनंती सुप्रिया सुळे यांनी आंदोलकांना केली. सुळे यांनी आंदोलकांना हात जोडून विनंती केली असून आता यावेळीही आंदोलक संतप्त आहेत. एसटी महामंडळाचे विलीनीकरण पूर्णपणे करावे या मागणीसाठी एसटी कर्मचाऱ्यांचा एक गट आज आक्रमक झाल्याचे दिसून आले. आंदोलकांनी थेट सिल्वर ओकला लक्ष्य केल्याने राज्यात खळबळ उडाली आहे. आक्रमक झालेल्या आंदोलकांशी चर्चा करण्यासाठी खासदार सुप्रिया सुळे यांनी पुढाकार घेतला. यावेळी, मी तुमच्यासोबत चर्चा करण्यासाठी तयार आहे. मात्र, शांतेत चर्चा करुयात असे आवाहन सुप्रिया सुळे यांनी वारंवार केले. मात्र, त्यांच्या आवाहनाला आंदोलकांनी कोणताही प्रतिसाद दिला नाही. अखेर हताश झालेल्या सुप्रिया सुळे पुन्हा माघारी फिरल्या.
आमचे कष्ट बघा, घाम बघा – आंदोलक संतप्त
आमचे कष्ट बघा, घाम बघा आम्हाला काहीही मोबदला नाही. सत्य परिस्थिती तुम्ही जाणून घ्या. आमचे सहकारी आम्ही गमावले या सर्व एसटी कर्मचाऱ्यांच्या मृत्यूला शरद पवार व महाविकास आघाडी जबाबदार आहे त्यांनी अद्यापही न्याय दिला नाही अशा संतप्त भावना आंदोलकांच्या आहेत.
आपल्या कुटुंबियांचे संरक्षण केल्याबद्दल सुप्रिया सुळे यांनी मुंबई पोलिसांचे आभार मानले.
माझ्या घरावर झालेला हल्ला हा दुर्दैवी आहे. महाराष्ट्राच्या संस्कृतीमध्ये ही अशी पहिलीच घटना असेल अशी प्रतिक्रिया राष्ट्रवादीच्या खासदार सुप्रिया सुळे यांनी दिली आहे.खासदार सुप्रिया सुळे म्हणाल्या की, महाराष्ट्राच्या संस्कृतीमध्ये ही अशी पहिलीच घटना घडली असेल. माझ्या घरावर जो हल्ला झाला तो अत्यंत दुर्दैवी आहे. पण तरीही आम्ही आंदोलन करणाऱ्या आंदोलकांशी चर्चा करायला तयार आहोत. या गोष्टी आंदोलन करुण किंवा चप्पल फेकून सुटणाऱ्या नाहीत, या गोष्टी केवळ चर्चेच्या माध्यमातून सुटतील. पवारांच्या मुंबईतील घरासमोर घडलेल्या या घटनेनंतर सुप्रिया सुळे आंदोलकांना सामोरं गेल्या. त्या ठिकाणी त्यांनी अनेकवेळा चर्चा करु असं आवाहन आंदोलकांना केलं होतं. पण आंदोलक काही ऐकण्याच्या स्थितीत नव्हते. त्यानंतर सुप्रिया सुळे या घरामध्ये गेल्या.
आंदोलकांनी केलेल्या हल्ल्यानंतर आपल्या कुटुंबियांचे संरक्षण केल्याबद्दल सुप्रिया सुळे यांनी मुंबई पोलिसांचे आभार मानले.
