पुण्यात आज काय आहे कोरोनाची स्थिती -(व्हिडीओ)

• पुणे-पुण्यात ५३ नवीन कोरोना चे रुग्ण आढळून आले असून ,तिघांचा मृत्यू झाला आहे. यापैकी दोघे ज्येष्ठ नागरिक असून तिसरा मृत्यू अवघ्या ३४ वर्षीय तरुणाचा झाला आहे .याबाबत अधिकृत माहिती पुण्याचे विभागीय आयुक्त डॉ .दीपक म्हैसेकर यांनी दिली .विभागातील कोरोना बाधित रुग्णांची संख्या 472 झाली आहे. तथापी ॲक्टीव रुग्ण 362 आहेत. विभागात कालच्या अहवालानंतर 15 एप्रिल 2020 रोजी 3 कोरोना बाधित रुग्णांचा मृत्यू झाला आहे. हे तीनही रुग्ण पुणे महानगरपालिका क्षेत्रातील आहेत, अशी माहिती विभागीय आयुक्त डॉ.दीपक म्हैसेकर यांनी दिली. 15 एप्रिल रोजी ससून हॉस्पीटल येथे पुण्यातील 73 वर्षीय कोरोना बाधीत रुग्णाचा मृत्यू झाला आहे. या रुग्णास निमोनिआ व किडनी विकार होता. 15 एप्रिल 2020 रोजी ससून हॉस्पीटल येथे पुण्यातील 34 वर्षीय कोरोना बाधीत रुग्णाचा मृत्यू झाला आहे. तसेच ससून हॉस्पीटल येथे पुण्यातील 63 वर्षीय कोरोना बाधीत रुग्णाचा मृत्यू झाला असून या रुग्णास निमोनिआसह मायोकार्डीटीस विकार होता. विभागात 472 बाधित रुग्ण असून 42 रुग्णांचा मृत्यू झाला आहे. यापैकी पुणे जिल्हयात 427 बाधीत रुग्ण असून 39 रुग्णांचा मृत्यू झाला आहे. सातारा जिल्हयात 11 बाधीत रुग्ण असून 2 रुग्णांचा मृत्यू झाला आहे. सोलापूर जिल्हयात 2 बाधीत रुग्ण असून एका रुग्णाचा मृत्यू झाला आहे. सांगली जिल्हयात 26 बाधीत रुग्ण असून कोल्हापूर जिल्हयात 6 बाधीत रुग्ण आहेत. आजपर्यत विभागामध्ये एकुण 6 हजार 236 नमूने तपासणीसाठी पाठविण्यात आले होते, त्यापैकी 5 हजार 943 चा अहवाल प्राप्त आहे. तर 293 नमुन्यांचा अहवाल प्रतीक्षेत आहे. प्राप्त अहवालांपैकी 5 हजार 427 नमून्यांचा अहवाल निगेटीव्ह असून 472 नमुन्यांचा अहवाल पॉजिटिव्ह आहे. आजपर्यंत विभागामधील 33 लाख 93 हजार 921 घरांचे सर्वेक्षण पूर्ण करण्यात आले असून त्याअंतर्गत 1 कोटी 30 लाख 29 हजार 12 व्यक्तींची तपासणी केली आहे. त्यापैकी 787 व्यक्तींना अधिक तपासणीसाठी संदर्भीत करण्यात आले आहे.

विभागीय आयुक्त कार्यालय, पुणे

नवीन कोरोनाविषाणू (कोविड-19) सद्य :स्थिती व उपाययोजना
(संध्या 5.00 वाजेपर्यत)
विभागातील 68 कोरोना बाधीत रुग्ण बरे होऊन घरी.
दि. 15/04/2020 रोजी 3 कोरोना बाधीत रुग्णाचा मृत्यू. विभागातील एकुण रुग्ण संख्या 472.
ॲक्टीव रुग्ण संख्या 362.
विभागातील कोरोना बाधीत रुग्णांची संख्या 472 झाली आहे. तथापि ॲक्टीव रुग्ण संख्या 362 आहे. विभागात कालच्या अहवालानंतर दि. 15/04/2020 रोजी 3 कोरोना बाधीत रुग्णांचा मृत्यू झालाआहे. अहवाल प्राप्त झालेल्या मृत्यूंपैकी सर्व 3 जण पुणे महानगरपालिका क्षेत्रातील आहेत.
1) दि 15/04/2020 रोजी ससून हॉस्पीटल येथे पुण्यातील 73 वर्षीय कोरोनाबाधीत रुग्णाचा मृत्यू झाला आहे. सदर रुग्णास निमोनीआ व किडनी विकार होता.
2) दि 15/04/2020 रोजी ससून हॉस्पीटल येथे पुण्यातील 34 वर्षीय कोरोनाबाधीत रुग्णाचा मृत्यू झाला आहे.
3) दि 15/04/2020 रोजी ससून हॉस्पीटल येथे पुण्यातील 63 वर्षीय कोरोनाबाधीत रुग्णाचा मृत्यू झाला आहे. सदर रुग्णास निमोनिआसह मायोकार्डीटीस विकार होता.
आजपर्यत विभागामध्ये एकुण 6236 नमूने तपासणीसाठी पाठविणेत आले होते त्यापैकी 5943 चा अहवाल प्राप्त आहे. 293 नमून्यांचा अहवाल प्रतीक्षेत आहे. प्राप्त अहवालांपैकी 5427 नमून्यांचा अहवाल निगेटीव्ह असून 472 चा अहवाल पॉजिटिव्ह आहे.
आजपर्यंत विभागामधील 33,93,921 घरांचे सर्वेक्षण पूर्ण करण्यात आले असून त्याअंतर्गत 1,30,29,012 व्यक्तींची तपासणी केली आहे. त्यापैकी 787 व्यक्तीना अधीक तपासणीसाठी संदर्भीत करण्यात आले आहे.