पुणे-कर्नाटकाचे राज्यपाल वजूभाई वाला यांनी कनार्टकामध्ये सरकार स्थापनेसाठी भारतीय जनता
पक्षाला आमंत्रित केले. कर्नाटक निवडणुकीचा निकाल जाहिर झाल्यावर काँग्रेस आणि जनता दल सेक्युलर
यांची आघाडी झाली. दोन्ही पक्षांची मिळून एकूण ११५ आमदार व अपक्ष २ असे मिळून एकूण ११७
आमदारांची संख्या राज्यपालांना जनता दल व काँग्रेसच्या नेत्यांनी सादर केली. भारतीय जनता पक्षाचे
१०४ आमदार आहेत असे असताना राज्यपालांनी भारतीय जनता पक्षाला सत्ता स्थापनेसाठी आमंत्रित
करून ससंदिय लोकशाहिचा खून केला आहे आणि भाजपाला बहुमत सिध्द करण्यासाठी १५ दिवसांची
मुदत दिली. याच्या निषेर्धाथ अखिल भारतीय काँग्रेस कमिटीने दि. १८ मे रोजी संपूर्ण भारतात काँग्रेस
पक्षाने लोकशाहिचा काळा दिवस म्हणून धरणे आंदोलन करावे असे आदेश दिले होते.
पुणे शहर जिल्हा काँग्रेस कमिटीच्या वतीने आज बेलबाग चौक (सिटी पोस्ट) येथे धरणे आंदोलन
करण्यात आले. कार्यकर्त्यांनी मोदी सरकारच्या निषेर्धाथ तयार केलेले फलक दाखवून घोषणा दिल्या.
‘संसदिय लोकशाहीला काळिमा फासणाऱ्या मोदी सरकारचा धिक्कार असो’, ‘घटनेचे उल्लंघन करणाऱ्या
मोदी सरकारचा धिक्कार असो’ अश्या प्रकारच्या घोषणा देण्यात आल्या. आपल्या भाषणात पुणे शहर
जिल्हा काँग्रेस कमिटीचे अध्यक्ष रमेश बागवे म्हणाले की, ‘‘मोदी सरकारने सत्तेत आल्यावर वारंवार घटना
बदलण्याचा प्रयत्न केला आहे. काँग्रेसच्या द्वेषापोटी काँग्रेसच्या नेत्यांवर वैयक्तिक आणि खालच्या
पातळीवर जाऊन टिका करून जनतेची दिशाभुल करून खोटी आश्वासने देऊन निवडणुक जिंकत आहेत.
गोवा, मणिपूर, मेघालया या राज्यात काँग्रेस पक्ष सर्वात मोठा पक्ष म्हणून संख्याबळ असताना सुध्दा
केंद्रातील मोदी सरकारच्या दबावाखाली येऊन त्या राज्यांच्या राज्यपालांनी भारतीय जनता पक्षाच्या
आघाडीला सरकार स्थापन करण्यास अनुमती दिली. त्याच निर्णयाप्रमाणे कनार्टकात सुध्दा काँग्रेस, जनता
दल सेक्युलर आघाडीला राज्यपाल सरकार स्थापन करायला आमंत्रित करतील असे वाटत असताना त्यांनी
अल्पमतात असलेल्या भारतीय जनता पक्षाला कनार्टकात सरकार स्थापन करण्यासाठी आमंत्रित केले व
बहुमत सिध्द करण्यासाठी १५ दिवसांची मुदत दिली. त्यामुळे घोडेबाजाराला उधान आले आहे. सरकार या
आयोग व एस. आर. बुमई खटल्यामध्ये न्यायालयाने स्पष्ट निर्णय दिला आहे की, जो आघाडी पक्ष
स्थिर सरकार देऊ शकते त्यांनाच राज्यपालांनी सरकार स्थापनेसाठी आमंत्रित करावे. भारतीय जनता
पक्षाने सत्तेचा गैरवापर करून कुठल्याही टोकाला जाऊन कनार्टकामध्ये सरकार स्थापन करण्याचा प्रयत्न
करीत आहे. पारदर्शक आणि स्वच्छ प्रशासनाची भाषा करणारे मोदी सरकारचा पर्दाफाश झालेला आहे. सन
२०१९ च्या निवडणुकीमध्ये देशाची जनता त्यांना सत्तेवरून खाली खेचल्याशिवाय राहणार नाही.’’
यावेळी माजी आमदार मोहन जोशी, बाळासाहेब शिवरकर, ॲड. अभय छाजेड, कमल व्यवहारे
यांचीही भाषणे झाली.
यावेळी काँगेसचे ज्येष्ठ नेते श्रीकांत शिरोळे, गटनेते अरविंद शिंदे, नगरसेवक अजित दरेकर,
सुजाता शेट्टी, नीता रजपूत, मनीष आनंद, रविंद्र धंगेकर, रमेश अय्यर, सोनाली मारणे, मुकारी अलगुडे,
शेखर कपोते, ॲड. म. वि. अकोलकर, नुरूद्दीन सोमजी, जॉन पॉल, शानी नौशाद, प्रकाश पवार, द. स.
पोळेकर, अमित बागुल, बुवा नलावडे, विठ्ठल थोरात, बाळासाहेब अमराळे, सतिश मोहोळ, सुनिल शिंदे,
सुजित यादव, मीरा शिंदे, प्रदिप परदेशी, जयकुमार ठोंबरे, प्रविण करपे, सुमित डांगी, सचिन सावंत,
दिपक ओव्हाळ, राजेंद्र जगताप, मुन्नाभाई शेख, सुरेश कांबळे, चेतन आगरवाल, संदिप आटपाळकर,
राजू गायकवाड आदीसंह असंख्य काँग्रेस कार्यकर्ते उपस्थित होते.
