पंडित नेहरू आणि लहूजी वस्तादांचा भाजपला विसर (व्हिडीओ)

पुणे- भारताचे पहिले पंतप्रधान पंडित जवाहरलाल नेहरू आणि आद्य क्रांतिकारक लहूजी वस्ताद यांचा भाजपा सरकारला विसर पडल्याचा आरोप करीत याबद्दल सरकारचा निषेध करणारा ठराव आज पुणे शहर कॉंग्रेस ने संमत केला .
पंडित नेहरू आणि क्रांतिकारक लहूजी वस्ताद जयंतीनिमित्त शहर कॉंग्रेसच्या वतीने कार्यक्रमाचे आयोजन करण्यात आले होते. या दोघांच्या प्रतिमेला पुष्पहार अर्पण करून त्यांना यावेळी आदरांजली वाहण्यात आली शहर कॉंग्रेसचे अध्यक्ष रमेश बागवे, उल्हास पवार,कमल व्यवहारे , अभय छाजेड, अविनाश बागवे, संगीता तिवारी ,सदानंद शेट्टी, सतीश पवार, गोपाळ तिवारी ,बंडू नलावडे ,जयसिंग भोसले ,संदीप मोकाटे आदी मान्यवर कार्यकर्ते यावेळी उपस्थित होते.
यावेळी या दोन्ही नेत्यांच्या विचाराची धुरा खांद्यावर घेवून मार्गस्थ होणे गरजेचे आहे ..आणि त्यांच्या विचारानुसार पक्षाची देखील वाटचाल सुरु ठेवावी असे सांगत वक्त्यांनी त्यांच्या कार्याची उजळणी करत त्यांचा गौरव केला . आणि रोज माध्यमांना स्वतःचे फोटो असलेल्या प्रचंड जाहिराती देणाऱ्या भाजपा सरकारने या दोन्ही नेत्यांच्या जयंती निमित्त त्यांचे स्मरण करणारी जाहिरात मात्र केली नाही. त्याना या महान विभूतींचा विसर पडला असा आरोप करत यावेळी भाजप सरकारचा निषेध करण्यात आला .