पुणे-राफेल विमान खरेदीमध्ये मोदी सरकारने केलेल्या भ्रष्टाचाराची संयुक्त संसदीय समिती
मार्फत चौकशी करावी यासाठी पुणे शहर जिल्हा काँग्रेस कमिटीच्या वतीने शहराध्यक्ष रमेश बागवे
यांच्या नेतृत्वाखाली जिल्हाधिकारी कार्यालय येथे आंदोलन करण्यात आले.
यावेळी बोलताना रमेश बागवे म्हणाले की, ‘‘केंद्रातील मोदी सरकारने राफेल विमान
खरेदीमध्ये भारतातील सर्वात मोठा भ्रष्टाचार केला आहे. आपले मित्र अनिल अंबानी यांना या
भ्रष्टाचाऱ्याच्या माध्यमातून पैसे मिळवून देऊन स्वत:चे खिसे भरले आहेत. मोदी सरकारने
भ्रष्टाचाराचे टोक गाठले असून ते आता मा. सर्वोच्च न्यायालयालादेखील फसविण्याचे काम करीत
आहेत. खोटे प्रतिज्ञापत्र मा. न्यायालयात सादर करून मा. सर्वोच्च न्यायालयाबरोबरच या देशातील
१३० कोटी जनतेला देखील त्यांनी फसविले आहे. अखिल भारतीय काँग्रेस पक्षाचे अध्यक्ष
मा.राहुलजी गांधी यांनी या भ्रष्टाचाराची पायामुळे खोदून काढण्याचे ठरविले असून त्यामुळेच
त्यांनी या राफेल विमान घोटाळ्याची चौकशी फक्त आणि फक्त संयुक्त संसदीय समितीच करू
शकते व यातील ३६ हजार कोटींचा घोटाळा बाहेर पडेल असे म्हटले आहे. या देशातील शेतकऱ्यांची
कर्ज माफ करण्यासाठी मोदी सरकारकडे पैसे नाहीत परंतु अनिल अंबानीचा फायदा करून
देण्यासाठी पंतप्रधान मोदी स्वत: हा विमानाचा व्यवहार करतात हे या देशाचे दुर्दैव आहे. अनिल
अंबानी यांच्या कंपनीला राफेल डसॉल्ट एव्हिएशन कंपनीकडून ३० हजार कोटींचा ऑफसेट पाटनर
म्हणून कॉनट्रॅक्ट मोदी यांनी मिळवून दिले. याचाच अर्थ अनिल अंबानी यांच्या रिलायन्स डिफेन्स
लि., कंपनीला ३० हजार कोटीपेक्षा जास्त रूपयाचा फायदा करून दिला गेला व सरकारी तिजोरीचे
४१ हजार २०५ कोटींचे नुकसान केले. देशातील प्रत्येक नागरिकाचा पैसा केंद्र सरकार कश्या
पध्दतीने खर्च करीत आहे याची माहिती सर्वसामान्य नागरिकांना असणे आवश्यक आहे म्हणूनच
५२८ कोटींचे राफेल विमान १६७० कोटीला कसे विकत घेतले ?, विमानाची किंमत १ हजार कोटींनी
जास्त कशी वाढली ? या सर्व भ्रष्टाचाराची चौकशी संयुक्त संसदीय समितीतर्फे करावी अशी
मागणी आम्ही जिल्हाधिकाऱ्यांमार्फत केंद्र सरकारला करीत आहोत.
यावेळी माजी आमदार मोहन जोशी, महाराष्ट्र प्रदेश सरचिटणीस ॲड. अभय छाजेड यांनी
देखील यावेळी भाषणे केली.आंदोलनास नीता रजपूत, अरविंद शिंदे, आबा बागुल, अजित दरेकर, रविंद्र धंगेकर,
अविनाश बागवे, लता राजगुरू, सुजाता शेट्टी, चाँदबी नदाफ, रफिक शेख, संगिता तिवारी, विरेंद्र
किराड, दत्ता बहिरट, महिला अध्यक्षा सोनाली मारणे, युवक अध्यक्ष विशाल मलके, ब्लॉक अध्यक्ष
सचिन आडेकर, सुजित यादव, क्लेमेंट लाजरस, बाळासाहेब दाभेकर, अनिल सोंडकर, बाळासाहेब
अमराळे, राजू शेख, राजेंद्र शिरसाट, बाबा नायडू, प्रशांत वेलणकर, शिवानंद हुल्याळकर, रजिया
बल्लारी, ज्ञानेश्र्वर मोझे, प्रविण करपे, विजय खळदकर, सतिश पवार, सुमित डांगी, अशोक पवार,
शेखर कपोते, वाल्मिक जगताप, राजेंद्र पेशने, नंदा ढावरे, संगीता शिरसागर, अनुसया गायकवाड,
संगीता पवार, कैलास गायकवाड, विनय ढेरे, पार्वती भडके, भगवान कडू, रवि पाटोळे, सादिक
कुरेशी, चैतन्य पुरंदरे, चेतन आगरवाल, शाबिर खान, विश्वास दिघे, साहिल केदारी, अविनाश
अडसुळ, रामविलास माहेश्वरी, रजिया बल्लारी आदींसह पदाधिकारी व कार्यकर्ते उपस्थित होते.
