मुंबई- क्रूझ ड्रग्ज प्रकरणात अभिनेता शाहरुख खान यांचा मुलगा आर्यन खानला क्लीन चिट मिळाल्यामुळे आता आर्यनला अटक करणारे एनसीबीचे माजी विभागीय संचालक समीर वानखेडे यांच्या विभागीय चौकशीचे आदेश देण्यात आलेत अशी माहिती सूत्रांकडून मिळते आहे. . केंद्रीय गृह मंत्रालयाच्या निर्देशांनुसार ही कारवाई होणार आहे. त्यात वानखेडे दोषी आढळले तर त्यांच्यावर कठोर कारवाई होऊ शकते. आर्यन प्रकरण भोवल्यानंतर त्यांची ‘डायरेक्टरेट ऑफ़ रेव्हेन्यू इंटेलिजेंस’मध्ये (DRI) बदली करण्यात आली आहे.महाराष्ट्राचे अल्पसंख्यक कल्याण मंत्री नवाब मलिक यांनी समीर वानखेडे यांच्यावर अनेक गंभीर आरोप केले होते.
ANI च्या वृत्तानुसार, केंद्राने सक्षम अधिकाऱ्यांना आर्यन खान ड्रग्ज प्रकरणी चुकीची कारवाई केल्याप्रकरणी समीर वानखेडे यांच्यावर योग्य ती कारवाई करण्याचे निर्देश दिलेत. सरकारने यापूर्वीच वानखेडेंच्या बोगस जात प्रमाणपत्रावर कारवाई केली आहे.या प्रकरणात आर्यनसह एकूण 19 आरोपी होते. पण, या प्रकरणी एनसीबीच्या तपासावर प्रश्नचिन्ह उपस्थित झाल्यानंतर डीजी एस.एन. प्रधान यांनी माध्यमांना सामोरे गेले. ते म्हणाले – या प्रकरणी तपास अद्याप पूर्ण झाला नाही. भविष्यात नवे पुरावे आढळल्यास पुरवणी आरोपपत्र दाखल करण्यात येईल. या प्रकरणी एनसीबीच्या पहिल्या पथकाने (समीर वानखेडे) तपासात अक्षम्य निष्काळजीपणा केला. त्यामुळे ते दोषी आढळल्यास त्यांच्यावर कारवाई केली जाईलडीजी एस.एन. प्रधान म्हणाले की, पहिल्या तपास पथकाची चूक झाली नसती तर एसआयटी तपास का हाती घेतला असता? काही तरी त्रुटी राहिल्यामुळेच एसआयटीने तपास हाती घेतला. या त्रुटी दूर करण्यासाठी किंवा किमा पुढील कारवाई योग्य व्हावी यासाठी ही कारवाई करण्यात आली. एवढेच नव्हे तर एनसीबीच्या महासंचालकांनी छापेमारी व तपासात झालेल्या गैरप्रकारांच्या आरोपांप्रकरणी एनसीबीच्या अधिकाऱ्यांची विभागीय चौकशी करण्याचेही संकेत दिलेत.
