बालदिनी अंगणवाडीला आगीचा तडाखा -(व्हिडीओ)

पुणे-धनकवडी येथील तीन हत्ती चौकातील क्रीडा संकुलाच्या अडगळीच्या खोलीत आग लागली आणि तिची झळ लगतच्याच अंगणवाडीला पोहोचली.  यावेळी बालदिन साजरा करण्यास आलेली मुले आणि शिक्षिका वेळीच अंगणवाडी बाहेर पळाल्याने सुदैवाने कोणतीही जीवित हानी झाली नाही .मात्र अंगणवाडीतील मुलांचे शैक्षणिक साहित्य,खेळाच्या वस्तू आणि कागदपत्रे जाळून खाक झाली . महापालिकेच्या अग्निशामक दलाच्या जवानांनी हि आग तत्काळ विझवली. यासाठी आगीचे ३ बंब आणि एक टँकर येथे खबर मिळताच अवघ्या सात मिनिटात दाखल झाले सुमारे २० जवानांनी हि आग विझविण्यासाठी प्रयत्न केले.आगीची खबर मिळताच येथे माजी उपमहापौर आबा बागुल ,नगरसेवक राजेंद्र शिळीमकर ,महेश वाबळे यांनी घटनास्थळी धाव घेतली .आणि येथील पाहणी केली .दिवाळीच्या सुट्टीमुळे २५ पैकी केवळ आठ मुलेच आज बालदिनी कार्यक्रमासाठी उपस्थित होते.यापैकी एका मुलाने लघुशंकेसाठी जातो असे सांगून निघाला आणि तो तातडीने मला धूर येतोय असे म्हणाला ..तत्क्षणी आगीची कल्पना आली आणि आम्ही बाहेर पडलो असे अंगणवाडी शिक्षिका शैला भोसले यांनी सांगितले, त्या यावेळी खूप  भावूक झाल्या होत्या ,अंगणवाडी बेचिराख झाल्याचे दुखः त्यांना आवरत नव्हते .पहा घटनास्थळीचा हा व्हिडीओ रिपोर्ट