कर्वे समाज सेवा संस्थेच्या समुपदेशन अभ्यासक्रमाचा पदवीदान समारंभ संपन्न
पुणे-मानसिक आरोग्याबाबत समाजाची मानसिकता बदलणे जरी अवघड असले तरी बदलत्या युगात मानसिक आरोगयाची व्याख्या व व्याप्ती मात्र बदलत चालली असून कर्वे समाज सेवा संस्थेच्या समुपदेशन अभ्यासक्रमाच्या माध्यमातून समुपदेशकांची उणीव भरून काढण्याचे काम सुरु असल्याचे सांगत सध्य परिस्थितीत विविध समस्यांवर उपाययोजना म्हणून विविध क्षेत्रांमध्ये समुपदेशकांच्या नेमणुकांची आवश्यकता असल्याचे मत गरवारे महाविद्यालयाच्या मानसशास्त्र विभागाचे माजी प्रमुख व ज्येष्ठ मानसशात्रज्ञ डॉ भरत देसाई यांनी व्यक्त केले.
कर्वे समाज सेवा संस्थेच्या समुपदेशन अभ्यासक्रमाचा पदवीदान समारंभ व येरवडा मनोरुग्नालयाचे अधीक्षक डॉ भालचंद्र डोंगलीकर यांच्या सेवानिवृत्तीनिमित्त आयोजित विशेष समारंभामध्ये ते प्रमुख पाहुणे म्हणून बोलत होते. यावेळी संस्थेचे चेअरमन सदानंद देशपांडे, संशोधन विभाग प्रमुख डॉ महेश ठाकूर व समुपदेशन विभागाचे समन्वयक प्रा चेतन दिवाण यांची प्रमुख उपस्थिती होती तर संस्थेचे संचालक डॉ दीपक वलोकर हे अध्यक्षस्थानी होते.
चेअरमन सदानंद देशपांडे यांनी संस्थेच्या माध्यमातून समुपदेशन क्षेत्रामध्ये प्रवेश करणाऱ्या विद्यार्थ्याना शुभेच्छा देत डॉ डोंगलीकर यांच्या मानसिक आरोग्य क्षेत्रामधीलकार्याचा गौरव केला व त्यांनी निवृत्तीनंतर मानसिक आरोग्य क्षेत्राशी निगडीत समस्यांवर काम चालू ठेऊन नवीन पिढीला मार्गदर्शन करण्याची अपेक्षा व्यक्त केली.
डॉ डोंगलीकर यांनी आपण शासनाचे प्रतिनिधी म्हनून काम करीत असताना आलेल्या मर्यादांचा उल्लेख करीत सेवानिवृत्तीनंतरच्या इथून पुढील काळात आपण चाकोरीपलीकडे जाऊन काम करण्यासाठी स्वतंत्र झालो असल्याची भावना व्यक्त केली.
डॉ महेश ठाकूर व प्रा चेतन दिवाण यांनी कर्वे संस्थेच्या माध्यमातून ज्ञान घेऊन बाहेर पडत असलेल्या विद्यार्थ्यांनी समाजास्ठी भरीव काम करण्यास हातभार लावावा अशी अपेक्षा व्यक्त केली.
डॉ वलोकर म्हणाले, विद्यार्थ्यांनी समुपदेशन अभ्यासक्रमाच्या माध्यमातून विकसित झालेली आपली गुण-कौशल्ये हि विद्यार्थ्यांनी पूर्ण ताकतीने वापरून स्वत:च्या तसेच समाजाच्या विकासासाठी त्याचा पुरेपूर वापर करावा अशी अपेक्षा व्यक्त केली.
दरम्यान, येरवडा मनोरुग्नालयाचे अधीक्षक डॉ भालचंद्र डोंगलीकर यांचा सेवानिवृत्तीनिमित्त तसेच डॉ महेश ठाकूर यांचा पी.एच डी पदवी प्राप्त केल्यानिमित्त कर्वे समाज सेवा संस्थेचे चेअरमन सदानंद देशपांडे व मान्यवरांच्या हस्ते विशेष सत्कार करण्यात आला.
कार्यक्रमाचे सूत्रसंचालन शर्मिला सईद व रमण दळवी यांनी केले तर आभार स्नेहल आहेर यांनी मानले.
