Industrialist

गोदरेज फंड मॅनेजमेंट आणि शासनातर्फे WAVES मध्ये सामंजस्य करारावर स्वाक्षरी  2,000 कोटी रु. च्या प्रस्तावित गुंतवणुकीसह अंदाजे 2500 रोजगारनिर्मितीची क्षमता साधारण 10 एकर...

~ ग्राहक केवळ ₹50 पासून डिजिटल गोल्ड एसआयपीमध्ये गुंतवणूक करू शकतात ~मुंबई, : भारतातील आघाडीची वित्तीय सेवा कंपनी आदित्य बिर्ला कॅपिटलची डिजिटल-प्रथम D2C शाखा असलेल्या आदित्य बिर्ला कॅपिटल डिजिटल लिमिटेड (“ABCDL”) ने आज डिजिटल गोल्ड एसआयपी सुरू करण्याची घोषणा केली. ही एक प्रणालीबद्ध गुंतवणूक योजना आहे, ज्याद्वारे वापरकर्ते केवळ ₹50 पासून साप्ताहिक एसआयपी आणि ₹100 पासून मासिक एसआयपीद्वारे डिजिटल गोल्डमध्ये गुंतवणूक करू शकतात. ही सुविधा ABCD मोबाइल ॲपवर उपलब्ध आहे. डिजिटल गोल्ड एसआयपी ही भारतात प्रचलित असलेल्या गुंतवणुकीच्या पद्धतीला पारंपरिक मूल्य असलेल्या संपत्तीच्या वर्गासोबत एकत्र आणते. नियमित आणि स्वयंचलित गुंतवणुकीची सुविधा देत, ही योजना गुंतवणूकदारांना वेळोवेळी बाजारातील चढ-उतारांवर मात करण्यासाठी कंपाउंडिंगच्या शक्तीचा आधार देते. ही योजना 24 कॅरेट भौतिक सोन्याने समर्थित आहे, जे सुरक्षित आणि विमा संरक्षित कोठारांमध्ये साठवलेले असते. या कोठारांचे व्यवस्थापन MMTC-PAMP (स्विस बुलियन ब्रँड PAMP आणि भारत सरकारच्या मालकीची मिनरल्स अँड मेटल्स ट्रेडिंग कॉर्पोरेशन लिमिटेड यांच्यातील संयुक्त उपक्रम) द्वारे केले जाते. ABCD ॲपमधील डिजिटल गोल्ड अंतर्गत गिफ्टिंग आणि एसआयपी या दोन्ही सुविधा एकत्रित करून ग्राहकांना सुव्यवस्थित गुंतवणूक मॉडेलद्वारे सोने नियोजनपूर्वक खरेदी, बचत व गिफ्ट करण्याची सुलभता मिळते, तीही साठवणूक, सुरक्षेचा किंवा मेकिंग चार्जेसचा त्रास न करता. श्री. पंकज गाडगीळ, व्यवस्थापकीय संचालक आणि मुख्य कार्यकारी अधिकारी, आदित्य बिर्ला हाउसिंग फायनान्स लिमिटेड, तसेच प्रमुख – डिजिटल प्लॅटफॉर्म्स आणि पेमेंट्स स्ट्रॅटेजी, आदित्य बिर्ला कॅपिटल यांनी सांगितले, “संपत्ती विविधीकरणासाठी सोने हा एक महत्त्वाचा संपत्ती वर्ग आहे, जो परंपरा आणि विश्वासाशी घट्टपणे जोडलेला आहे. जरी भौतिक सोन्याची पारंपरिक मोहिनी आजही कायम आहे, तरी नव्या पिढीतील गुंतवणूकदार अधिक परवडणाऱ्या, सुलभ आणि विश्वासार्ह पर्यायांची मागणी करत आहेत. आमचे डिजिटल गोल्ड एसआयपी हे सोन्यात गुंतवणुकीसाठी एक सहज आणि प्रणालीबद्ध उपाय आहे, जो गुंतवणूकदारांना आत्मविश्वासाने आणि सोप्या पद्धतीने संपत्ती निर्माण करण्यास मदत करतो. सोन्याची मागणी वाढत असताना आणि विविधीकरणाला प्राधान्य दिले जात असताना, डिजिटल गोल्ड एसआयपी हा एक स्मार्ट व झंझटमुक्त गुंतवणूक पर्याय म्हणून पुढे येईल, असा आम्हाला विश्वास आहे.” डिजिटल गोल्ड व्यतिरिक्त, ABCD ॲपमध्ये डिजिटल सिल्वर देखील उपलब्ध आहे, जे 24 कॅरेट भौतिक चांदीने समर्थित असून, सुरक्षित कोठारांमध्ये साठवले जाते. वापरकर्त्यांना हवे तेव्हा खरेदी, साठवणूक किंवा रिडीम करण्यासाठी लवचिक पर्याय उपलब्ध आहेत. ईव्ही, सौरऊर्जा आणि तंत्रज्ञान यांसारख्या क्षेत्रांमध्ये चांदीच्या वाढत्या वापरामुळे, डिजिटल सिल्वर हे एक स्मार्ट आणि भविष्यातील गुंतवणुकीसाठी तयार असलेले, विविधीकरणासाठी उपयुक्त असे आकर्षक पर्याय बनले आहे.

विमानप्रवासातील सेवा आणि मनोरंजनात्मक सोयींची दखल गुरुग्राम, २ मे २०२५ – जागतिक विमानसेवा कंपनी म्हणून प्रसिद्ध असलेल्या एअर इंडियाला नुकतेच दोन नामांकित पुरस्काराने गौरविण्यात आले.ट्रॅव्हलप्लस एअरलाइन...

पुणे  १ मे २०२५ : नॅशनल टेस्टिंग एजन्सीकडून (एनटीए) येत्या दि. ४ मे रोजी होणाऱ्या नीट-यूजी २०२५ परीक्षेच्या पार्श्वभूमीवर विद्यार्थ्यांचा आत्मविश्वास वाढवण्यासाठी मोशन एज्युकेशन या संस्थेने एक भव्य मॉक टेस्ट आयोजित केली. ही सिम्युलेशन परीक्षा केवळ कोटा येथेच नव्हे तर एकाच वेळी देशभरातील ८० शहरांमध्ये पार पडली. ‘नीट’ची तयारी करणाऱ्या ८,००० विद्यार्थ्यांनी यामध्ये भाग घेतला. कोटामध्ये ही मॉक टेस्ट दुपारी २ ते ५ या वेळेत घेण्यात आली. नीट परीक्षेच्या प्रत्यक्षातील वेळापत्रकाशी ती जुळणारी होती. ‘मोशन एज्युकेशन’चे संस्थापक आणि मुख्य कार्यकारी अधिकारी नितीन विजय यांनी वैयक्तिकरित्या परीक्षा केंद्रांना भेट देत विद्यार्थ्यांना प्रोत्साहन दिले. त्यांनी सांगितले, “नीट-यूजी २०२५’च्या नवीन परीक्षापद्धतीप्रमाणे आणि अपेक्षित काठिण्यानुसार ही मॉक टेस्ट आमच्या वरिष्ठ प्राध्यापकांनी अत्यंत काटेकोरपणे तयार केली आहे.” संस्थेचे संयुक्त संचालक आणि नीट विभागप्रमुख अमित वर्मा यांनी विद्यार्थ्यांना प्रेरणा देत सांगितले, “नवीन टॉपिक्स सुरू करण्यापेक्षा दिलेल्या वेळेत पेपर सोडवण्याचा सराव करा. तीन तासांत १८० प्रश्न सोडवण्याची क्षमता विकसित करा आणि प्रत्येक चाचणीनंतर आपल्या चुकांचे सखोल विश्लेषण करा. संकल्पना समजण्यातील अडचणी, दुर्लक्ष, लिखाणातील चुका किंवा वेळेचे व्यवस्थापन अशा ज्या कारणांनी चुका होत आहेत, त्या ओळखा आणि त्या सुधारण्यासाठी प्रयत्न करा. आणि सर्वात महत्त्वाचे म्हणजे शेवटच्या तयारीच्या काळात तणावमुक्त रहा आणि आरोग्याला प्राधान्य द्या.” शुभ्रा सिंग ही या मॉक टेस्टमध्ये सहभागी झालेली विद्यार्थिनी म्हणाली, “ही मेगा मॉक टेस्ट खऱ्या नीट परीक्षेचे वातावरण निर्माण करीत होती. आमची तयारी किती झाली आहे, हे समजण्यास या टेस्टमुळे मदत झाली आणि वेळेचे नियोजन सुधारायला संधी मिळाली.” राजीव कुमार हा विद्यार्थी म्हणाला, “अशी वास्तव परीक्षेसारखी चाचणी देणे म्हणजे खरी परीक्षा कशी असते, हे समजून घेणे आणि त्या तणावाचा सामना कसा करावा हे शिकणे. ही एक अत्यंत उपयुक्त तयारी ठरली.”

अचूकपणा ज्यांच्यासाठी खूप महत्त्वाचा आहे आणि जे अर्थपूर्ण शैलीतून स्वतःला अभिव्यक्त करू इच्छितात अशा पुरुषांसाठी तयार करण्यात आलेले कलेक्शन बंगलोर, : मेकॅनिकल विश्वाविषयी पुरुषांना वाटणारे आकर्षण सर्वश्रुत आहे. हे आकर्षण घड्याळांमध्ये साकार करून टायटन वॉचेसने आपले नवे ऑटोमॅटिक्स कलेक्शन सादर केले आहे. मेकॅनिकल वॉचमेकिंगचे नाजूक सौंदर्य अधोरेखित करत हे कलेक्शन व्हिजिबल मेकॅनिक्सचा सोहळा साजरा करते. कलेक्शनमधील प्रत्येक घड्याळामध्ये मनमोहक स्केलेटल डायल्स आहेत, ज्यामध्ये नाजूक इंजिनीयरिंग हे प्रत्येक शैलीचे सार आहे. इंटिग्रेटेड ब्रेसलेट्सपासून ड्युअल फिनिश सॉलिड लिंक स्ट्रॅप्सपर्यंत प्रत्येक डिझाईन त्यामधून विविध व्यक्तिमत्त्वे प्रतिबिंबित होतील अशाप्रकारे अतिशय विचारपूर्वक तयार करण्यात आले आहे. २१ ज्वेल बेयरिंग्स, दर तासाला २१६०० बीट्सची व्हायब्रेशन फ्रिक्वेन्सी आणि ४२ तासांचे पॉवर रिझर्व्ह असलेले हे कलेक्शन अचूकपणा, कारीगरी आणि कामगिरीवर लक्ष केंद्रित करते, चोखंदळ घड्याळप्रेमींसाठी तयार करण्यात आले आहे. टायटनच्या ऑटोमॅटिक्स कलेक्शनमध्ये चार अनोख्या श्रेणी आहेत, अनोखी व्यक्तिमत्त्वे दर्शवण्यासाठी त्या खास डिझाईन करण्यात आल्या आहेत. यिन यांग स्केलेटल ऑटोमॅटिक वॉच या अतुलनीय कलेक्शनचा केंद्रबिंदू आहे, संतुलनाचा कलात्मक सन्मान करण्यासाठी डिझाईन करण्यात आले आहे, असामान्य यिन यांग स्केलेटल डायल डिझाईन आणि रिफाईंड प्रेस-पॅटर्न डिटेलिंग यामध्ये दर्शवण्यात आले आहे. सुबक स्टेनलेस स्टील आणि शानदार रोज गोल्ड कॉम्बिनेशनमध्ये उपलब्ध असलेली ही श्रेणी औपचारिक वातावरणासाठी उत्कृष्ट आहे. फिनिक्स स्केलेटल ऑटोमॅटिक घड्याळ हे फिनिक्स पक्षापासून प्रेरणा घेऊन तयार करण्यात आले आहे, हे शक्तीचे आणि पुन्हा नव्याने भरारी घेण्याचे प्रतीक आहे. याची बोल्ड स्केलेटल डायल फिनिक्स पक्षाच्या पंखांप्रमाणे नाजूक डिझाईन करण्यात आली आहे. नर्ल्ड क्राऊन याचे सोफिस्टिकेटेड डिझाईन अधिक शानदार बनवतो. मोनोक्रोमॅटिक एक्लिप्स ब्लॅक आणि ऑप्युलँट एम्बर रोज गोल्ड प्रकारांमध्ये उपलब्ध आहे. याचे प्रभावी डिझाईन आणि उत्कृष्ट फिनिश यामुळे हे घड्याळ संध्याकाळच्या कार्यक्रमाच्या पेहरावांसाठी आणि महत्त्वाच्या प्रसंगांसाठी उत्तम ठरते. नेक्सस स्केलेटल ऑटोमॅटिकमध्ये आधुनिक सौंदर्य आणि चिरंतन प्रतीकात्मकता यांचा मिलाप आहे. याची अनोखी स्केलेटल डायल जहाजाच्या सुकाणूपासून प्रेरित होऊन तयार करण्यात आली आहे, जे हालचाली आणि प्रगती दर्शवते, नाजूक ऑटोमॅटिक हालचाली दर्शवते. कॉफी ब्राऊन, गनमेटल आणि मिडनाईट ब्ल्यू या आकर्षक रंगांमध्ये उपलब्ध आहे. स्पोर्टी अपील आणि इंटिग्रेटेड ब्रेसलेट असलेले हे घड्याळ स्मार्ट कॅज्युअल लूक्स आणि दररोज वापरण्यासाठी साजेसे आहे. गोल्डन हार्ट स्केलेटल ऑटोमॅटिक वॉच सोनेप्रेमींसाठी बनवण्यात आले आहे. बाय-मेटल आणि फुल गोल्ड प्रकारांमध्ये उपलब्ध असून गिल्टेड स्केलेटल डायलमधून विलक्षण जागरूकतेने तयार करण्यात आलेले बारकावे दिसून येतात. फॉर्मल प्रसंग, समारंभ आणि सांज सोहळ्यांमध्ये तुमच्या पेहरावाला अत्यावश्यक असलेला उठावदार, लक्झरियस स्पर्श देण्यासाठी हे अगदी योग्य आहे. टायटन वॉचेसच्या मार्केटिंग हेड अपर्णा रवी म्हणाल्या, "टायटन ऑटोमॅटिक्स कलेक्शन हा आमच्या वाटचालीतील एक लक्षणीय टप्पा आहे, प्रगत, सोफिस्टिकेटेड होरोलॉजी आणि आधुनिक शैली यांचा समन्वय दर्शवणारी घड्याळे तयार करून नावीन्य घडवत राहण्याप्रती टायटनची वचनबद्धता यामध्ये अधोरेखित करण्यात आली आहे. चोखंदळ आणि शैलीविषयी जागरूक असलेले पुरुष, ज्यांना घड्याळ हे स्व-अभिव्यक्तीचे माध्यम वाटते, अशांसाठी हे तयार करण्यात आले आहे, यांची कारीगरी तुम्ही काहीही बोलण्याआधी खूप काही व्यक्त करते.” प्रत्येक घड्याळामध्ये ल्युमिनस काटे, स्पष्टपणे अप्लाय करण्यात आलेले इन्डायसेस आणि ड्युएल-फिनिश्ड सॉलिड स्टेनलेस स्टील स्ट्रॅप्स आहेत, दिवसभर आणि रात्रीदेखील प्रीमियम फील देणाऱ्या या घड्याळांच्या किमती १८,३२५ रुपयांपासून २२,१५० रुपयांपर्यंत आहेत. टायटन ऑटोमॅटिक्स कलेक्शन सर्व टायटन स्टोर्स आणि www.titan.co.in वेबसाईटवर उपलब्ध आहे.