Industrialist

●       आयएसआरएलचा 30 दशलक्ष चाहत्यांचा वर्ग अनेक पटींनी वाढणार ●        सलमान खान आयएसआरएलमध्ये गुंतवणूकदार म्हणून प्रवेश करणार, मोटरस्पोर्ट मुख्य प्रवाहात आणण्यासाठी आणि प्रत्येक घराघरात पोहोचवण्यासाठी पुढाकार ●        पुणेजवळ आयएसआरएल प्रोव्हिंग ग्राउंड्सचे उद्घाटन – युवा रायडर्सना घडवण्यासाठी आणि वाहन कंपन्यांसाठी वर्षभर चाचणी व प्रमोशनचे व्यासपीठ उपलब्ध ●        आयएसआरएल फॅन पार्क्सची सुरुवात – रेसिंग, मनोरंजन आणि ब्रँडशी थेट जोडणाऱ्या कुटुंब-केंद्रित अनुभवाची संकल्पना ●        दुसऱ्या हंगामात 155 आंतरराष्ट्रीय खेळाडूंनी नोंदणी केली मुंबई,  — बॉलिवूडचे सुपरस्टार सलमान खान यांच्या हस्ते इंडियन सुपरक्रॉस रेसिंग लीगच्या (आयएसआरएल) दुसऱ्या हंगामाचा भव्य शुभारंभ आज मुंबईत करण्यात आला. आयएसआरएलचे ब्रँड अॅम्बेसिडर असलेले सलमान खान यांची अफाट लोकप्रियता, सर्व वयोगटांमध्ये असणारे अपील आणि मोटरसायकल तसेच फिटनेसबाबतची विशेष आवड यामुळे हा खेळ निवडक चाहत्यांच्या चौकटीपलीकडे जाऊन मुख्य प्रवाहात पोहोचेल, असा विश्वास व्यक्त करण्यात आला. मुंबईत झालेल्या या उद्घाटन सोहळ्यात सलमान खान यांनी आयएसआरएलमध्ये गुंतवणूकदार म्हणूनही सहभागी होण्याची घोषणा केली. त्यांच्या या सक्रिय सहभागामुळे आयएसआरएल केवळ मोटरस्पोर्टप्रेमींसाठी नव्हे, तर ऑटोमोटिव्ह ब्रँड्स, ग्राहक-केंद्रित उद्योग आणि कुटुंब-केंद्रित मनोरंजनासाठीही महत्त्वाचे व्यासपीठ ठरणार आहे. लीगचा मुख्य उद्देश भारतीय तरुणांसाठी मोटरस्पोर्टमध्ये जागतिक दर्जाची संधी उपलब्ध करून देण्याचा आहे. भारतात सुपरक्रॉसला आंतरराष्ट्रीय पातळीवर घेऊन जाण्याच्या दृष्टीने सलमान खान यांच्या हस्ते ‘आयएसआरएल प्रोव्हिंग ग्राउंड्स’ चा देखील शुभारंभ करण्यात आला. पुणेजवळ 7 एकर परिसरात उभारण्यात येणाऱ्या या अद्ययावत सुविधेत नवोदित रायडर्ससाठी वेगवेगळ्या प्रकारच्या विशेष ट्रॅक्सची उभारणी होणार आहे. यामध्ये नवशिक्यांसाठी, मुलांसाठी, मोटोकॉस, सुपरक्रॉस, एटीव्ही, इलेक्ट्रिक बाइक्स आणि ट्रेल रायडिंगसाठी स्वतंत्र ट्रॅक्स असणार आहेत.ॉ कार्यक्रमात बोलताना, सलमान खान म्हणाले, “मोटरसायकल आणि ऑफ-रोडिंगबाबत माझी नेहमीच विशेष आवड राहिली आहे. आयएसआरएल जे काही तयार करत आहे — जागतिक दर्जाच्या प्रतिभेला एकत्र आणणे, देशांतर्गत खेळाडूंचा पाठिंबा देणे, आणि या खेळाभोवती एक संपूर्ण परिसंस्था आणि जीवनशैली उभारणे — हे पाहून मला जाणवले की मी फक्त चेहरा म्हणून नाही तर खऱ्या अर्थाने याचा भाग व्हावे. ही लीग म्हणजे क्षमता वाढवून पुढे जाण्याचा प्रयत्न आहे, आणि तेच माझ्याशी खोलवर जुळते. ‘आयएसआरएल प्रोव्हिंग ग्राउंड्स’च्या शुभारंभामुळे भारताच्या युवा पिढीला मोठी स्वप्ने पाहण्याची, आवश्यक पाठिंबा, साधने आणि प्रशिक्षक मिळवण्याची संधी मिळणार आहे, ज्यामुळे ते जागतिक स्तरावर स्पर्धा करू शकतील. त्याचबरोबर, आयएसआरएल जबाबदार राईडिंगला आणि रेसर्स व चाहत्यांच्या सुरक्षेच्या महत्त्वाला समान प्राधान्य देत आहे.” कार्यक्रमात बोलताना, आयएसआरएलचे व्यवस्थापकीय संचालक वीर पटेल यांनीही पुढे सांगितले, “सलमान खान यांचा ब्रँड अॅम्बेसिडर पासून गुंतवणूकदार बनण्याचा प्रवास आयएसआरएलच्या दृष्टीकोनात त्यांचा ठाम विश्वास दर्शवतो. यामुळे आमच्या लीगला सांस्कृतिक ताकद आणि मुख्य प्रवाहातील विश्वास यांचा अमूल्य संगम मिळाला आहे, जे भारतातील पुढच्या पिढीसाठी एक विश्वासार्ह आणि विस्तारण्यायोग्य व्यवसाय म्हणून आमची ओळख बळकट करते. त्यांच्या सहभागामुळे मोटरस्पोर्ट, युवा संलग्नता आणि ब्रँड इनोव्हेशनच्या भविष्यासाठी सुपरक्रॉस तयार असल्याचा स्पष्ट संदेश बाजारात जात आहे.” आयएसआरएल आता भारतातील ऑटोमोटिव्ह उद्योगासाठी एकमेव समर्पित व्यासपीठ आहे जे अनुभवात्मक वाढीस प्रोत्साहन देते. जगभरातील ग्राहकांशी थेट संवाद साधण्याच्या वाढत्या प्रवाहाला प्रतिसाद देत, आयएसआरएलचा फॉर्मॅट ब्रँड्सना थेट क्रियाशीलता देण्यास अनन्यसाधारण स्थितीत आहे, ज्यामुळे ते उत्साही बायकर्स आणि तरुण प्रेक्षकांशी थेट जोडले जातात. भारतामध्ये ऑरिजनल इक्विपमेंट मॅन्युफॅक्चरर्स (OEMs) आणि घटक ब्रँड्सना थेट क्रियाशील फॉर्मॅटद्वारे ग्राहकांशी संवाद साधण्याच्या मर्यादित संधी असताना, आयएसआरएल मोटरस्पोर्ट्स, जीवनशैली आणि ऑटो नवोन्मेष यांच्या संगमावर एक विस्तृत, उच्च-सहभागी व्यासपीठ उपलब्ध करून देऊन ही महत्त्वाची गरज पूर्ण करत आहे. आयएसआरएलच्या पुढील 5 वर्षांच्या रोडमॅपमध्ये अनेक शहरांमध्ये वेगाने विस्तार करणे, आंतरराष्ट्रीय सहकार्य, जागतिक खेळाडूंचा सहभाग आणि फ्रँचायझी मूल्य, प्रायोजक महसूल व ब्रँड भागीदारींमध्ये महत्त्वपूर्ण वाढ यांचा समावेश आहे. पुणे, अहमदाबाद आणि बंगलोरसह विविध ठिकाणी चाहत्यांचे मन जिंकणाऱ्या आयएसआरएलच्या धडाकेबाज पदार्पण हंगामानंतर, ही वाढ आयएसआरएलच्या भारतातील अग्रगण्य मोटरस्पोर्ट लीग होण्याच्या प्रवासातील एक नवी, धाडसी पर्वणी ठरली आहे. धाडसी दृष्टीकोन, उच्च-प्रोफाइल भागीदारी आणि झपाट्याने वाढणाऱ्या चाहत्यांसह आयएसआरएल भारतातील क्रीडा-मनोरंजन व ऑटोमार्केटिंगच्या नव्या परिमाणांना परिभाषित करत आहे.

 रोड टू स्कूल आणि रोड टू लाईव्हलीहुड कार्यक्रमांद्वारे प्रभावी परिवर्तन भारत सरकारच्या “स्किल्ड इंडिया” दृष्टिकोनाशी आणि युवकांच्या नेतृत्वाखालील राष्ट्रनिर्माणाशीसुसंगत प्रयत्न मुंबई, 15 जुलै, 2025:...

मुंबई-टेस्लाचे पहिले स्टोअर आज मुंबईत उघडले आहे.महाराष्ट्र राज्य हे जागतिक दर्जाच्या सर्व ईव्ही कंपन्यांसाठी फेव्हरेट डेस्टिनेशन झाले असल्याचा विश्वास मुख्यमंत्री देवेंद्र फडणवीस यांनी व्यक्त...

हा टॉवर एकूण 2500 कोटी रु. GDV असलेल्या प्रकल्पाचा एक भाग पुणे, – महिंद्रा समूहाची रिअल इस्टेट आणि पायाभूत सुविधा विकास शाखा असलेल्या महिंद्रा लाइफस्पेस डेव्हलपर्स लिमिटेड (एमएलडीएल) ने महिंद्रा सिटाडेल येथे नवीन टॉवरच्या...

पुणे, २ जुलै २०२५ – भारतातील आघाडीच्या टेक्नॉलॉजी इनोव्हेशन कंपनी मॅटर ने आज आपल्या क्रांतिकारी इलेक्ट्रिक बाईक ऐरा च्या पुणेतील अधिकृत लॉंचची घोषणा केली....