Feature Slider

पुणे- तेनसिंग नॉर्गे राष्ट्रीय साहसी पुरस्कारविजेता तसेच राज्य सरकारचा शिवछत्रपती पुरस्कारविजेता पुण्याचा सागरी  जलतरणपटू रोहन मोरे याची वर्ल्ड ओपन वॉटर स्विमिंग  असोसिएशनच्या (डब्ल्यूओडब्ल्यूएसए)सल्लागार मंडळाचे सदस्य म्हणून नुकतीच निवड करण्यात आली. वर्ल्ड ओपन वॉटर स्विमिंग असोसिएशनच्या वतीने मुख्य  कार्यकारी अधिकारी क्विन फिट्झगेराल्ड यांनी नुकतीच याची घोषणा केली. या संघटनेने आपल्या तीन मंडळांवर रोहनची नियुक्ती केली आहे. ही निवड पाच वर्षांसाठी असेल.त्याचा  डब्ल्यूओडब्ल्यूएसएच्या नियम समिती,प्रशिक्षण आणि शिक्षण समिती तसेच पर्यावरण समितीत समावेश करण्यात आला आहे. यावेळी अशी संधी मिळालेला तो एकमेव भारतीय आहे. ३५ वर्षीय रोहन हा सात महासागर पोहून जाणारा जगातील केवळ नववा तर आशियातील पहिलाच जलतरणपटू ठरला आहे. डब्ल्यूओडब्ल्यूएसएने आपल्या सल्लागार मंडळात त्याचे स्वागत केले. "सुरक्षितता, पर्यावरणीय कारभारीपणा आणि शैक्षणिक वाढीवर लक्ष केंद्रित करण्याचे आमचे ध्येय आहे.तुमची  अद्वितीय कौशल्ये आणि दृष्टीकोन वर उल्लेख केलेल्या  क्षेत्रातील प्रगती आणि परिवर्तनासाठी सहाय्यक ठरतील,असे डब्ल्यूओडब्ल्यूएसएचे मुख्य कार्यकारी अधिकारी क्विन  फिट्झगेराल्ड यांनी आपल्या संदेशात म्हटले आहे. रोहनला अनेक राष्ट्रीय तसेच आंतरराष्ट्रीय सन्मान प्राप्त झाले आहेत.२०१६ मध्ये केंद्रीय क्रीडा आणि युवक कल्याण मंत्रालयाने तेनसिंग नॉर्गे राष्ट्रीय साहसी पुरस्कार देऊन त्याचा गौरव केला. २०१८ मध्ये रोहनचा 'इंटरनॅशनल मॅरेथॉन  स्विमिंग हॉल ऑफ फेम'मध्ये समावेश करण्यात आला.'वर्ल्ड ओपन वॉटर स्विमिंग असोसिएशन'ने २०१६ मध्ये त्याचा  जगातील ५० साहसी जलतरणपटूंमध्ये समावेश केला आहे. याबरोबरच 'वर्ल्ड ओपन वॉटर स्विमिंग असोसिएशन'च्या  प्रतिष्ठेच्या समजल्या जाणाऱ्या 'वर्ल्ड ओपन वॉटर स्विमिंग मॅनऑफ द इयर' या पुरस्कारासाठी रोहनला तीनदा नामांकित  करण्यात आले होते.

तापलेल्या उन्हाळ्यानंतर सर्वांना प्रतीक्षा असलेल्या पावसाला कमी अधिक प्रमाणात सुरवात झाली आहे. पावसाळ्यात विद्युत अपघाताचा धोका अधिक असतो. त्यामुळे घरगुती व सार्वजनिक वीजयंत्रणेपासून अधिक...

पुणे- ज्येष्ठ संगीतकार कै. श्रीकांत ठाकरे यांच्या स्मृती दिनानिमित्त मंगळवार २७ जून रोजी सायंकाळी ५.०० वाजता  ज्येष्ठ पार्श्वगायिका उत्तरा केळकर यांना ‘श्रीकांत ठाकरे संगीत’ पुरस्कार...

पंतप्रधान नरेंद्र मोदी शनिवारी दोन दिवसांच्या इजिप्त दौऱ्यावर रवाना झाले आहेत. चार दिवसांच्या अमेरिका दौऱ्यावरून मोदी थेट इजिप्तची राजधानी कैरो गाठतील. द्विपक्षीय व्यापाराच्या संदर्भात...

वॉशिंग्टन:अमेरिकेचे राष्ट्राध्यक्ष जो बायडेन यांनी पंतप्रधान नरेंद्र मोदी यांना AI लिहिलेला टी-शर्ट भेट दिला. त्यावर लिहिले आहे – The Future is AI म्हणजेच AI...