पुणे दि. २२- शैक्षणिक वर्ष २०२२-२३ करिता केंद्रशासन पुरस्कृत अल्पसंख्याक समाजातील इयत्ता १ली ते १० वी वर्गातील गुणवत्ताधारक विद्यार्थ्यांनी प्रि-मॅट्रिक शिष्यवृत्ती योजनेचा लाभ घेण्यासाठी नवीन व नुतनीकरण विद्यार्थ्यांचे ऑनलाईन अर्ज तसेच इयत्ता ९ वी ते १२ वी मधील फक्त मुलींसाठी असलेली बेगम हजरत महल राष्ट्रीय शिष्यवृत्ती योजनेचा लाभ घेण्यासाठी नवीन विद्यार्थीनींचे ऑनलाईन अर्ज ३० सप्टेंबर पूर्वी भरण्याचे आवाहन करण्यात येत आहे.
मुस्लिम, ख्रिश्चन, बौद्ध, शीख, पारसी व जैन या धार्मिक अल्पसंख्याक समाजातील आर्थिक दुर्बल असलेल्या विद्यार्थ्यांनी www.scholarship.gov.in या संकेतस्थळावर ऑनलाईन अर्ज भरावे, असे आवाहन शिक्षण संचालक (योजना) कृष्णकुमार पाटील यांनी केले आहे.
