पुणे-शहरातील वाहतूक व्यवस्था सुरळीत करण्यासाठी १९८७ च्या विकास आराखड्यात प्रस्तावित करण्यात आलेला ‘उच्च क्षमता वर्तुळाकार मार्ग’(एचसीएमटीआर) हा प्रकल्प कॉंग‘ेस सरकारला राजकीय इच्छाशक्तीच्या अभावामुळे तीसहून अधिक वर्षे मार्गी लावता आला नाही. केंद्र, राज्य व महापालिकेत सत्ता आल्यानंतर यावर्षी या महत्त्वाकांक्षी प्रकल्पाचे काम आम्ही सुरू केले. त्यामुळे कॉंग‘ेच्याच राज्यात पुण्याचा विकास रखडला होता असा आरोप कोथरूडच्या आमदार प्रा. मेधा कुलकर्णी यांनी आज पत्रकार परिषदेत केला.
पुणे लोकसभा मतदारसंघाचे उमेदवार गिरीश बापट यांच्या प्रचारार्थ आयोजित केलेल्या पत्रकार परिषदेत आमदार मेधा कुलकर्णी बोलत होत्या. शिवसेनेचे संपर्क नेते प्रशांत बधे, राजेंद्र शिंदे, मंदार जोशी उपस्थित होते.
प्रा. कुलकर्णी म्हणाल्या, ‘पुणे शहरातील सर्व उपनगरे व प्रमुख साठ रस्त्यांना जोडणारा ३६ किलोमीटर लांबीचा व २४ मीटर रूंदीचा सहा मार्गिका असणारा या प्रकल्पाचे काम वेळेत सुरू झाले असते तर आज शहरात होणारी वाहतुकीची कोंडी कमी झाली असती, वाहनचालकांचा वेळ वाचला असता, इंधन बचत झाली असती, प्रदूषणाची पातळी कमी झाली असती, प्रकल्पाचा खर्च ही कमी झाला असता. परंतु कॉंग‘ेसच्या अक्षम्य दुर्लक्षामुळे पुणेकरांना त्रास सहन करावा लागत आहे. या प्रकल्पासाठी आम्ही सल्लागारची नियुक्ती केली असून काम सुरू करण्यासाठी आवश्यक निधीची तरतूद केली आहे. या प्रकल्पासाठी केंद्र व राज्य सरकारकडून आवश्यक असणारा निधी मिळवून देणार आहोत. मु‘यमंत्री देवेंद्र ङ्गडणवीस यांचे या प्रकल्पावर विशेष लक्ष आहे.’
प्रा. कुलकर्णी पुढे म्हणाल्या, ‘चांदणी चौकातील वाहतूक प्रकल्प, नळस्टॉप चौकातील उड्डाणपूल, बाणेर परिसरातील स्मार्ट सिटीची विकासकामे, समान पाणीपुरवठा योजना, कोथरूड मतदारसंघातून जाणारे दोन मेट्रो प्रकल्प यामुळे या भागातील नागरीक महायुतीच्या कारभारावर खूष आहेत. गेल्या लोकसभेत महायुतीला ९१ हजार मतांची आघाडी मिळाली होती. महायुतीच्या नगरसेवकांची सं‘या दोन वरून बावीस गेली आहे. त्यामुळे कोथरूडमध्ये मतदारांमध्ये खुषीचे वातावरण असून, गिरीश बापट यांना एक लाखांहून अधिक मताधिक्य देण्याचा कार्यकर्त्यांनी संकल्प केला आहे.
एकजुटीने महायुतीचा प्रचार करण्याचा निर्धार
पुणे लोकसभा मतदारसंघातील उमेदवार गिरीश बापट यांच्या प्रचाराचे नियोजन करण्यासाठी महापालिकेतील माजी नगरसेवक व निवडणूक लढविलेल्या उमेदवारांचा मेळावा आयोजित करण्यात आला होता.
निवडणुकीसाठी एकाहून अधिक उमेदवार इच्छुक असतात. परंतु निवडणुक लढविण्याची संधी एकाच कार्यकर्त्याला मिळते. परंतु महायुतीचे सर्वच कार्यकर्ते एकजुटीने प्रचार करतात. आताही सर्व कार्यकर्ते एकदिलाने काम करीत आहेत. याच जोषाने कार्यकर्त्यांनी कार्यरत राहावे, असे आवाहन गिरीश बापट यांनी यावेळी केले
शिवसेनेचे शहर प्रमुख चंद्रकांत मोकाटे, सभागृह नेते श्रीनाथ भिमाले, प्रशांत बधे, अजय भोसले यांनी मार्गदर्शन केले. या मेळाव्याला १२५ हून अधिक प्रमुख कार्यकर्ते उपस्थित होते.
घरोघरी जाऊन प्रचारावर भर द्या
गिरीश बापट यांचे आवाहन
पुणे लोकसभा मतदारसंघातील महायुतीच्या प्रचाराने वेग घेतला आहे. मतदारांचा उत्तम प्रतिसाद मिळत आहे. कार्यकर्त्यांनी जाहीर प्रचाराबरोबर शासनाच्या समाजकल्याणकारी योजना आणि विकास प्रकल्पांची माहिती देण्यासाठी घरोघरी जाऊन प्रचार करण्यावर भर द्यावा असे आवाहन महायुतीचे उमेदवार गिरीश बापट यांनी केले.
कॅन्टोन्मेंट विधानसभा मतदारसंघातील महायुतीच्या मध्यवर्ती कार्यालयाचे उद्घाटन करताना श्री. बापट बोलत होते. खासदार अनिल शिरोळे, समाजकल्याण राज्यमंत्री दिलीप कांबळे, स्थायी समितीचे अध्यक्ष सुनील कांबळे, शिवसेनेचे नेते अजय भोसले, भाजपचे मतदारसंघ अध्यक्ष जयप्रकाश पुरोहीत, शिवसेनेचे विभाग प्रमुख राजेंद्र मोरे यांची प्रमुुख उपस्थिती होती.
कॅन्टोन्मेंट विधानसभा मतदारसंघातून गेल्या लोकसभा निवडणुकीपेक्षा अधिक मताधिक्य देण्यासाठी कार्यकर्त्यांनी झटून काम करण्याचे आवाहन खासदार अनिल शिरोळे यांनी केले.
कॅन्टोन्मेंट विधानसभा मतदारसंघात महायुतीच्या नगरसेवकांची सं‘या एकहून पंधरापर्यंत गेली आहे. गेल्या पाच वर्षांत विकासाची अनेक प्रकल्प मार्गी लागले आहेत. कार्यकर्त्यांनी या विकासकामांची माहिती मतदारांपर्यंत पोहोचवावी. या निवडणुकीत कॅन्टोन्मेंटमधून पन्नास हजाराहून अधिक मताधिक्य मिळवून देऊ.
