महागाई पेटली : राजकीय स्तरावर तरी वादंग …: बालगंधर्व रंगमंदिरातील घटना
पुणे- महागाई विरोधात केंद्रीय मंत्री स्मृती इराणी यांच्या समोर निदर्शने करायला गेलेल्या राष्ट्रवादीच्या आंदोलक महिलांना ताब्यात घेऊन जात असताना एका आंदोलक महिलेला भगवी टोपी घालून आलेल्या एका कार्यकर्त्याने पोलिसांचे कडे भेदून जोरदार फटका लावल्याचा प्रकार उघडकीस आला आहे. केवळ यावेळी होत असलेल्या व्हिडीओ शुटींग मुळे हा प्रकार उघड झाला आहे .
राष्ट्रवादीच्या या महिला कार्यकर्त्या वैशाली नागवडे असल्याचे समजते आहे. महागाईविरोधात आंदोलन करणाऱ्या वैशाली नागवडे आणि राष्ट्रवादीच्या इतर महिला कार्यकर्त्याां बालगंधर्व मंदिरात घुसून घोषणाबाजी करत होत्या. यावेळी भाजप कार्यकर्तेही आक्रमक झाले. पोलिसांनी मध्यस्थी करत राष्ट्रवादीच्या कार्यकर्त्यांना बाहेर काढलं. पण त्याचवेळी वैशाली नागवडे यांना मारहाण करण्यात आली.वैशाली नागवडे यांना कानशिलात लगावण्यात आली. भाजप कार्यकर्त्यांनी मारहाण केल्याचा आरोप राष्ट्रवादीच्या कार्यकर्त्यांनी केला आहे. भाजपच्या एका भगवी टोपी घातलेल्या कार्यकर्त्यांनी वैशाली नागवडे यांच्यावर हात उचलल्याचा व्हिडिओ व्हायरल झाला आहे.
त्याआधी स्मृती इराणी यांचा ताफा बालगंधर्वच्या बाहेर आल्यानंतर राष्ट्रवादीच्या महिला कार्यकर्त्यांनी काळे झेंडे दाखवण्याचा प्रयत्न केला. यावेळी पोलिसांनी आंदोलकांना अडवलं.
